________________ संगच्छण जहसत्ती खग्गधरुक्खेव छणणिरूवणया / तल्लिच्छ जत्त नयणं चोयणमेवंति पडिवत्ती // 931 // एवमणंताणं इह भीया मरणाइयाण दुक्खाणं / सेवंति अप्पमायं साहू मोक्खत्थमुज्जुत्ता // 932 // अपरिणए पुण एयम्मि संसयाईहिं ण कुणइ अभव्वो। जह एवं गुरुकम्मो तहेव इयरो वि पव्वज्जं // 933 // एवं जिणोवएसो उचियाविक्खाए चित्तरूवो त्ति / अपमायसारयाए वि तो सविसय मो मुणेयव्वो // 934 // गंभीरमिणं बाला तब्भत्ता म्होत्ति तह कयत्ता / तह चेव तु मण्णंता अवमण्णंता ण याणंति // 935 // सिद्धीए साहगा तह साहू अण्णत्थओ वि णिट्ठिा / राहावेहाहरणा ते चेवं अत्थओ णेया // 936 // इंदपुर इंददत्ते बावीस सुया सुरिंददत्ते य / . महुराए जियसत्तू सयंवरो णिव्वुईए उ . अग्गियए पव्वयए बहुली तह सागरे य बोद्धव्वे / एतेगदिवसजाया सह तत्थ सुरिंददत्तेणं // 938 // इंदउरसामिणो पुत्तवं ति महुराहिवेण ता धूया / पट्टविय त्ति सयंवरराहावेहेण वरमाला . // 939 // बावीसेहिं ण विद्धा तेवीसइमेण मग्गियाइं जया / अब्भासाओ विद्धा तेहिं परिपंथिगेहिं पि // 940 // सो तज्जएण सइ उक्खयासिपुरिसदुगभीइओ गुरुणा / तह गाहिओ त्ति भेत्तुं जहट्टचक्के तओ विद्धा // 941 // रोयसुओ इह साहू अग्गियगाई कसायपुरिसा ऊ। रागद्दोसा खोभे मरणं असई भवावत्ते // 942 // // 937 / 15
