________________ कालेण भिण्णवाहण वाणियगमणमुच्छुरससण्णा / पिंडागारा बहुसो जायाऽणेगेसु ठाणेसु - // 751 // इक्खाहारा सोत्तिय मुहदुक्खणम्मि संन्नपासणया / इक्खुफल त्ति य भक्खण गवेसणा चेव जत्तेण // 752 // एवं नियसन्नाय वि भक्खण कालेण दंसणं तस्स / पुच्छण साहण पीती ततो य आहार बोल्लं ति // 753 // . भक्खामि णिच्चमुच्छं किं ण लभसि तप्फले ? ण होति त्ति / दंसेमि अहं भद्द त्ति दंसणे हंत सण्णेसा // 754 // कस्स? ममं चिय, किं णो अच्छा (घा) कालेण कढिणभावाओ। सच्चं ण अण्णहेयं विण्णासणओ तहाणाणं // 755 // पच्छायावो बोहणमेसा लोगट्ठिई ण तत्तमिणं / अणाऽऽयारो सेयं तत्तो सुद्धी उ जीवस्स // 756 // णियदेसागम कहणं पायच्छित्तकरणं च जत्तेणं / सवणं च तत्तनाणं आसेवणमुचियजोगस्स . // 757 // ता जह सो असुइभया मोहाओ असुइभक्खणं पत्तो / तह दुक्खभया तं पि हु मा दुक्खोहं समादियसु // 758 // सत्थभणिएण विहिणा कुणसु तुमं एत्थ दुक्खपडियारं / अप्पवहो पुण सावग !, पडिसिद्धो सव्वसत्थेसु // 759 // अप्पपरोभयभेया तिविहो खलु वण्णिओ वहो समए / जं तेणाकालम्मी इओ वि दोसो त्ति एसाणा // 760 // दोसाओ य णराणं विण्णेयं सव्वमेव वसणंति / . जं पावफलं दुक्खं ता अलमेएण पावेण // 761 // अण्णं च निमित्ताओ मुणेमि गंतियं तुहं वसणं / .. अवि अब्भुदयफलमिणं ता चिट्ठह जाव अज्जंति * // 762 // 180
