________________ भुज्जग्गह तत्तो देवी चेडिवासपुडयम्मि किल दिवा / कइयवकोवो पउरम्मि पेसणा लिविपरिक्खणया // 727 // बहुसो विमरिसियालोयणा य मिलिय त्ति तह निवेयणया / इय दोसगारि एसो णायं तुब्भेहिं एयं ति // 728 // गिहमुद्दा पत्तिग्गह कुरूवसंका जिणागमे पुच्छा। कहणं संवेगं मो चरणं सव्वेसि पवज्जा // 729 // देसविरइगुणठाणे अकरणणियमस्स एव सब्भावो / सव्वविरइगुणठाणे विसिट्ठतरओ इमो होइ // 730 // जं सो पहाणतरओ, आसयभेओ अओ य एसो त्ति / .. एत्तो च्चिय सेढीए णेओ सव्वत्थ वि एसो // 731 // एत्तो उ वीयरागो ण किंचि वि करेइ गरहणिज्जं तु / ता तत्तग्गइखवणाइकप्प मो एस विण्णेओ // 732 // तह भावसंजयाणं सुव्वइ इह सुहपरंपरा सिद्धी / सा वि हु जुज्जइ एवं ण अण्णहा चिंतणीयमिणं // 733 // सइ गरहण्णिज्जवावारबीयभूयम्मि हंदि कम्मम्मि / खविए पुणो य तस्साकरणम्मी सुहपरंपरओ // 734 // आहरणा पुण एत्थं बहवे उसभाइया पसिद्ध ति। कालोवओगओ पुण एत्तो एकं पवक्खामि // 735 / / एयम्मि वि कालम्मी सिद्धिफलं भावसंजयाणं तु / / तारिसयं पि हु णियमा बज्झाणुट्ठाण मो णेयं // 736 // संखो कलावई तह आहरणं एत्थ मिहुणयं णेयं / . चरमद्धायऽवितहचरणजोगओ सति सुहं सिटुं // 737 // संखो नामेण निवो कलावती तस्स भारिया इट्ठा / . तीए भातिणियंगयपेसणमच्चंगमिति रनो . // 738 // 108
