________________ बडु सबरासय तग्गम निवेयणा धाडिगहियकहणाओ / संवेग बोहणिच्छा निबंधे वय कहक्खेवो भाववियाणण कित्तिमरोगकरण देसणा य अप्पगया / बडुनिव्वेय परायण अभयदाणेण परिओसो // 716 // अहिदंसे जीवावण कहणा संवेग किं करेमि ति / चय परदारं चत्तं हंत कयत्थोऽसि पणिहाणा // 717 // एत्थं अकरणणियमो जाओ संसारबीयडहणो त्ति / उवरिं पि तप्पभावा तप्पालण धम्मवुड्ढीए // 718 // एएण पगारेणं परपुरिसासेवणम्मि काऊण / अकरणणियमं एया णियमेण गया य सुरलोयं / // 719 // तत्तो चुयाउ चंपापुरीएँ जायाओ सेट्ठिधूयाओ / रूववतीउ तारासिरिविणयदेविनामाओ // 720 // परिणीया जम्मंतर जिणपारणदाणदेवचुयएणं / विणयंधरनामेणं रूववया इब्भपुत्तेणं // 721 // गयसीसे वेयाली दाणरओ दिनभोयणे नियमा / बिंदुज्जाणे जिणदंसणाओ सद्धा य दाणं च // 722 // घुटुं च अहो दाणं दिव्वाणि य आहयाणि तूराणि / देवा य सन्निवतिया वसुारा चेव वुट्ठा य // 723 // सद्धांतिसया दंसण विणिओगो तीएँ सावगत्तं च / सुरलोग गमण भोगा चवणं जाओ य सेट्ठिसुओ // 724 // तेणोढा जणवाओ रूववती धम्मबुद्धि निवरागो / णिवकड़गपीतिकारण गाहाएँ लिहावणं चेव // 725 // पसयच्छि ! रतिवियक्खणि ! अज्जमभव्वस्स तुह विओयम्मि / सा राई चउजामा जामसहस्सं व वोलीणा // 726 // 177
