________________ णहि एयम्मि वि न गुणो अस्थि विहाणेण कीरमाणम्मि / तं पुण गुरुतरगुणभावसंगयं होइ सव्वत्थ // 679 // . तित्थगराणा मूलं णियमा धम्मस्स तीएँ वाघाए / किं धम्मो ? किमधम्मो ? णेवं मूढा वियारंति // 680 // आयारपढमसुत्ते सुयं मे इच्चाइलक्खणे भणिओ / गुरुकुलवासो सक्खा अइणिउणं मूलगुणभूओ // 681 // णाणस्स होइ भागी थिरतरतो दंसणे चरिते य / धण्णा आवकहाए गुरुकुलवासं ण मुंचंति // 682 // ता तस्स परिच्चाया सुद्धंछाई सयमेव बुद्धिमया / आलोएयव्वमिणं कीरंतं कं गुणं कुणई ? // 683 // उववासो वि हु एक्कासणस्स चाया ण सुंदरो पायं / णिच्चमिणं उववासो णेमित्तिग मो जओ भणिओ // 684 // अहो निच्चं तवोकम्मादिसुत्तओ हंदि एवमेयं ति / पडिवज्जेयव्वं खलु पव्वादिसुतविहाणाओ // 685 // आउत्ताईएसु वि आउक्काइयाइजोगसुज्झवणं / . पवयणखिसा एयस्स वज्जणं चेव चिंतमियं // 686 // इच्चाइसु गुरुलाघवणाणे जायम्मि तत्तओ चेव / भवणिव्वेया जीवो सज्झायाई समायरई // 687 // गंभीरभावणाणा सद्धाइसओ तओ य सक्किरिया / एसा जिणेहिं भणिआ संजमकिरिया चरणरूवा // 688 // सम्म अण्णायगुणे सुंदररयणम्मि होइ जा सद्धा / तत्तोऽणंतगुणा खलु विण्णायगुणम्मि बोद्धव्वा // 689 // तीए वि तम्मि जत्तो जायइ परिपालणाइविसओं त्ति / . अच्तभावसारो अइसयओ भावणीयमिणं / // 690 // 104
