________________ तस्स य धारिणि भज्जा गब्भत्ताए कुओ उ आहूओ / धिज्जाइ मओं छम्मास गब्भ धिज्जाइणी जाए // 619 // माउलके संवड्डण कम्मकरण वियारणा य लोएणं / / णत्थि तुह एत्थ किंची तो बेई माउलो तमिह // 620 // मा सुण लोगस्स तुमं धूयाओ तिण्णि तासिं जेट्टयरं / दाहामि करे कम्मं पकओ पत्तो य वीवाहो // 621 // सा णिच्छए विसण्णो माउलओ बेइ बीय दाहामि / सा वि य तहेव णिच्छइ तइय ती णेच्छई सावि // 622 // णिविण्ण णंदिवद्धणआयरियाणं सगासि णिक्खंतो / जाओ छटुक्खमओ गेण्हइ यमभिग्गहमिमं तु // 623 / / बालगिलाणाईणं वेयावच्चं मए उ कायव्वं / . तं कुणइ तिव्वसड्डो खायजसो सक्कगुणकित्ती // 624 // अस्सद्दहणा देवस्स आगमो कुणइ दो समणरूवे / एगु गिलाणो अडवीएँ चिट्ठई अइगओ बिइओ // 625 // बेइ गिलाणो पडिओ वेयावच्चं तु सद्दहे जो उ / सो उठेज्जउ खिप्पं सुयं च तं णंदिसेणेण // 626 // छट्ठोववासपारणमाणीयं कवल घेत्तुकामेणं / / तं सुयमेत्तं रहसुट्ठिओ य भण केण कज्जं ति // 627 / / पाणगदव्वं ति तहिं जं णत्थी बेइ तेण. कज्जं ति / णिग्गय हिंडते कुणयणेसणं ण वि य पेल्लेइ // 628 // इय एक्कवार बीयं च हिंडिओ लद्ध तइयवारम्मि / अणुकंपा तूरंतो गओ य सो तस्सगासं तु // 629 / / खरफरुसणिट्ठरेहिं अक्कोसइ से गिलाणओ रुट्ठो / हे मंदभग्ग ! फुक्किय ! तूससि तं णाममेत्तेण // 630 // . 160
