________________ पढमस्स संकिलेसो पावो एसो त्ति पायसो णिच्चं / बिइयस्स उ संवेगो साहुवरि वसामऽधण्णोऽहं // 487 // भववुड्डि तप्परित्तीकरणं वासंतगमणमोसण्णे / वासे णिज्जरपुच्छा कहणं पुव्वोइयऽत्थस्स // 488 // आगमिय किरियणाणं खुड्डग बहुमाण तप्पदूसणया / अणुबंधकालसप्पे उज्जाणे साहुठाणम्मि // 489 // सज्झायभूमि खुड्डगगमणे अणिमित्त गुरुणिवारणया / पेहण सप्पे पडिणीयणाणमोहेण महगुरुणी // 490 // . केवलिआगम पुच्छा विसेसकहणाएँ साहुसंवेगो। . .. तव्वयणओ य खामण सरणं आराहणा चेव // 491 // विणयरओ उ उदाई राया आणाओ चिंत सामंते / एगस्स कहणमम्हं ण कोइ जो तं विणांसेइ // 492 // उच्छिण्ण कुमारोलग्गणाएँ अहयं तु देहि आएसं / पडिसुणण गम अपवेस साहू य अयंति णिक्खमणं // 493 // किरियाविणए बारस वरिसा वीसंभ पोसहे गुरुणा / / पविसण सुत्ते कंकं गुरुणा वि भवो सुदीहो त्ति // 494 // सम्मे कुंतलदेवी तदण्णदेवीण मच्छरसमेया / / पूर्य कुणइ जिणाणं अइसयमो वच्चई कालो // 495 // गेलण्ण मरणऽवत्था पडरयणाऽवणयणं अवज्झाणं / मरणं साणुप्पत्ती केवलि तज्जम्मपुच्छणया // 496 // कहणा देवी संवेगवासणा नेह पूजकरणं च / सरणं बोही खामण पसमो आराहणा चेव // 497 // एयमिह दुक्खरूवो दुक्खफलो चेव संकिलेसों त्ति / / आणासम्मपओगेण वज्जियव्वो सयाऽवेस // 498 // 158
