________________ साहुसमीवं गमणं सवणं तह चेव पायछित्ताणं / किं एत्थ पायच्छित्तं ? सुद्धं"चरणं ति पव्वज्जा // 463 // पच्छायावाइसया अभिग्गहो सुमरियम्मि नो भुंजे। दरभुत्ते चेवं चिय दिवसम्मि न तेण किल भुत्तं // 464 // आराहण काल गओ सुरेसु वेमाणिएसु उववण्णो / / एवं अभिग्गहो इह कल्लाणणिबन्धणं णेओ // 465 // जइ एवं रिसिघाए विहंत आराहणा इमस्सेसा / कह खुड्डया इयाणं दोसलवाणंतसंसारो? // 466 // भण्णइ अप्पडियारो दोसलवो तेसि ण पुण इयरस्स। .. कयपडियारो य इमो ण फलइ विसमेत्थमाहरणं // 467 // मारइ विसलेसो वि हु अकयपडियार मो ण उ बहुं पि / कयपडियारं तं चिय सिद्धमिणं हंत लोए वि // 468 // मंतागयरयणाणं सम्म पओगो विसम्मि पडियारा / आणेसणिज्जऽभिग़हरूवा एते उ दोसविसे . // 469 // एए पउंजिऊणं सम्मं निज्जरइ अइबहूयं पि / दोसविसमप्पमत्तो साहू इयरो व्व बुद्धिजुओ // 470 // कम्मं जोगनिमित्तं बज्झइ बंधट्ठिती कसायवसा / / सुहजोयम्मी अकसायभावओऽवेइ तं खिप्पं // 471 // गरुओ य इहं भावो णेओ सहगारिगरुयभावेण / तित्थगराणा णियमा एत्थं सहगारिणी जेण // 472 // दोसो उ कम्मजो च्चिय ता तुच्छो सो इमं तु अहिगिच्च.। लेसो वि अग्गिणो डहइ हंदि पयरं पि हु तणाणं // 473 / / अणुकूलपवणजोगा ण तु तविरहम्मि सिद्धमेयं तु / . भावो उ इहं अग्गी आणा पवणो जहा भणिओ . // 474 // 151
