________________ कुणइ जह सण्णिवाए सदोसहं जोगसोक्खमेत्तं तु / तह एयं विण्णेयं अणोरपारम्मि संसारे // 439 // ण य तत्तओ तयं पि हु सोक्खं मिच्छत्तमोहियमइस्स / . जह रोद्दवाहिगहियस्स ओसहाओ वि तब्भावे // 440 // जह चेवोवहयणयणो सम्मं रूवं .ण पासई पुरिसो। तह चेव मिच्छदिट्ठी विडलं सोक्खं न पावेइ . // 441 // . असदभिणिवेसवं सो 'णिओगओ ता ण तत्तओ भोगो। .. सव्वत्थ तदुवघाया विसवारियभोगतुल्लो ति // 442 // कत्थइ ण णाणमेयस्स भावओ तम्मि असइ भोगो वि / अंधलयभोगतुल्लो पुव्वायरिया तहा चाहु // 443 // सदसदविसेसणाओ भवहेउजहिच्छिओवलंभाओ। णाणफलाभावाओ मिच्छद्दिट्ठिस्स अन्नाणं // 444 // एगंतणिच्चवाए अणिच्चवाए सदसदविसेसो / पिंडो घडो त्ति पुरिसादन्नो देवो त्ति णातातो . // 445 // भवहेउ णाणमेयस्स पायसोऽसप्पवित्तिभावेणं / तह तदणुबंधओ च्चिय तत्तेतरणिदणादीतो // 446 // उम्मत्तस्स व णेतो तस्सुवलंभो जहिच्छरूवो त्ति / मिच्छोदयओ तो चिय भणियमिणं भावगहरूवं // 447 // णाणस्स फलं विरती पावे पुनम्मि तह पवित्तीओ / जोगत्तादि अणुगया भावेण ण सा अओऽण्णाणं // 448 // एवमतिणिउणबुद्धीऍ भाविउं अप्पणो हियट्ठाए / . सम्मं पयट्टियव्वं आणाजोगेण सव्वत्थ // 449 // णाऊण अत्तदोसं वीरियजोगं च खेत्त कालो य / तप्पच्चणीयभूए गिण्हेज्जाऽभिग्गहविसेसे // 450 // 154
