________________ णत्थित्थीकुच्छिसमं तस्समुदायस्स ठाणमग्गंति / एवमुब्भियपमुहाणं पावइ णणु चेयणाभावो // 72 // अह तब्विहपरिणामो णत्थि ण जीवो ति णिच्छओ केणं ? / चेतनाभावेणं जीवाभावे वि सों तुल्लो // 73 // ण य इह मज्जंगाणं न होइ अविसेसतो तु मदसत्ती / जं कुसलनिउत्ताणं नायाणुगयं न तेणेदं // 74 // तदभावम्मि य भावो सिद्धो मोत्तेसु मोक्खवातीणं / आगमपामण्णातो जह तह उवरि फुडं वोच्छं // 75 // सव्वेसि तओ सिद्धो अतो असिद्धो त्ति तुल्लमेवेदं / भूतेहिं चेतनं जायइ विबुहाण जमसिद्धं // 76 // ण य मज्जंगेहिं इह मदसत्ती जुज्जती विणा जीवं / तम्हा पइन्नहेऊदिटुंता तिनि वि अजुत्ता / / 77 // किंचेयं मदसत्ती किं मज्जे पाणगे तदाधारे ? / मज्जेज्ज सयं मज्ज जइ तम्मि उट्ठिगाधारे // 78 // जीवस्स तु मयसत्ती पाणगपक्खम्मि मज्जसंजोगे / जायइ मज्जंगेहितो णातमसंगतं तेणं // 79 // उक्खिवणपेरणादि सत्ती जह एत्थ देवदत्तस्स / कुंभादुक्खिवणगया दीसति तह मज्जसत्ती वि एवं पि भूतसमुदयवइरित्तगता तु चेयंणा कज्जं / साहेति य वइरित्तो जो सो जीवो त्ति पावेति // 81 // णो मज्जसत्ति मज्जंगहेतुसमुदायभिन्नवत्थुगता / साहइ इह णियकज्जं ण पाणगो जं ततो अण्णो // 82 // एवं पि सासयाभिन्नवत्थुपगता तु चेयणा कज्जं / कुज्जाधारादौ सति कुणति त्ति ण मज्जसत्तेवं // 83 // // 80 //
