________________ एत्थं जम्मो धम्मो तम्मि मयकलेवरे सिगालाई / तहसहणाओ जह गुणो एसो त्ति गओ य संवेगं // 271 // मिच्छादुक्कडसुद्धं चरणं काउं तहेव पव्वज्जं / विजओववाओ जम्मंतरम्मि तह सिज्झणा चेव // 272 // कंटगखलणातुल्लो इमस्स एसो त्ति थेवपडिबंधो / तत्तो य आभवं पि हु गमणं चिय सिद्धिमग्गेणं // 273 // पाडलिपुत्त हुयासण जलणसिहा चेव जलणडहणा य / .. सोहम्मपलियपणगं आमलकप्पा य णट्टत्थे // 274 // संघाडगसज्झिलगा कुडुंबगं धम्मघोसगुरुपासे / . पव्वइयं कुणति तवं पव्वज्जं चेव जहसत्तिं // 275 // जलणडहणाण णवरं रिजुभावो तत्थ पढमगो सम्मं / . बिदिओ पुण मायावी किरियाजुत्तो उतह चेव // 276 // किरियाए अइसंधति इतरं मायाएँ तग्गयाए उ / एवं पायं कालो संलेहण मो उ सोहम्मे // 277 // अभिंतरपरिसाए पणपलियाऊ महिड्डिया जाया / आमलकप्पोसरणे णट्टविहि विवज्जओ तेसिं // 278 // एवं विउव्वइस्सं एवं चिय तत्थ होति एक्कस्स। . इयरस्स उ विवरीयं जाणगपुच्छा गणहरस्स // 279 // भगवंत कहण मायादोसो किरियागतो उ एसो त्ति / / अणुगामिओ य पायं एवं चिय कइचि भवगहणे // 280 // विवरीयविगलकिरियानिबंधणं जं इमस्स कम्मं ति। . एवंविहकिरियाओ उ हंदि एतं तदुप्पन्नं // 281 // ता कइय वि भवगहणे सबलं एयस्स धम्मणुट्ठाणं / . थेवोऽविऽसदब्भासो दुक्खेणमवेति कालेणं . // 282 // 140
