________________ भावाणा पुण एसा सम्मद्दिट्ठिस्स होति नियमेण / पसमादिहेउभावा णिव्वाणपसाहणी चेव // 259 // एयाए आलोचइ हियाहियाइमतिनिउणनीतीए / किच्चे य संपयट्टति पायं कज्जं च साहेति // 260 // पडिबंधो वि य एत्थं सोहणपंथम्मि संपयट्टस्स / कंटगजरमोहसमो विन्नेओ धीरपुरिसेहिं // 261 // जह पावणिज्जगुणणाणतो इमो अवगमम्मि एतेसिं / तत्थेव संपयट्टति तह एसो सिद्धिकज्जम्मि // 262 // मेहकुमारो 1 एत्थं डहणसुरो 2 चेव अरिहदत्तो 3 य / / आहरणा जहसंखं विनेया समयनीतीए // 263 // रायगिहे सेणिते धारणी य गय सुमिण दोहलो मेहे / अभये देवाराहण संपत्ती पुत्तजम्मो य // 264 // मेहकुमारो नाम सावगसंवेगओ य पव्वज्जा / संकुडवसहीसेज्जा राओ पादादिघट्टणया // 265 // कम्मोदयसंकेसो गिहिगोरव ताव जामि तहिं चिंता / गोसे वीराभासण सच्चं ति न जुत्तमेयं ते // 266 // जमिओ उ तइयजम्मे तमासि हत्थी सुमेरुपहनामा / वुड्डो वणदवदड्डो सर्रतित्थे अप्पसलिलम्मि // 267 // गयभिन्नो वियणाए सत्तदिण मओ पुणो गजो जाओ / मेरुप्पभजूहवईवणदव जातीसर विभासा // 268 // वासे थंडिलकरणं कालेण वणदवे तहिं ठाणं / / अन्नाण वि जीवाणं संवट्टे पायकंडूयणं // 269 // तद्देसे ससठाणे अणुकंपाए य पायसंवरणं / तह भवपरित्तकरणं मणुयाउ य ततियदिणपडणं // 270 // 136
