________________ अत्थे बालदुमाया ववहारे देवि पुत्तकालो त्ति / अण्णे उ धाउवाइयजोगो सिद्धीइ निवणाणं // 103 // सत्थोलग्ग परिच्छा अदाण गम थेवदाणगहणं ति / अण्णे उ पक्खवाया चउसत्थविसेसविण्णाणं // 104 // इच्छाइ महं रंडा पइरिण तम्मित्तसाहुववहारे। .. मंतिपरिच्छा दोभाग तयणु अप्पस्स गाहणया // 105 // सयसाहस्सी धुत्तो अपुव्वखोरम्मि लोगडंभणया / तुज्झ पिया मज्झेवं तदण्णधुत्तेण छलण त्ति // 106 // वेणइयाइ निमित्ते सिट्ठिसुया हत्थिपय विसेसो त्ति / गुव्विणिदाहिणपुत्ते थेरी तज्जायणाणादी // 107 // एत्थेव अत्थसत्थे कप्पगगंडाइछेदभेदणया / जक्खपउत्ती किच्चप्पओय अहवा सरावम्मि // 108 // लेहे लिवीविहाणं वट्टखेड्डेणमक्खरालिहणं / पिट्ठिम्मि लिहियवायणमक्खरबिंदाइ चुयणाणं . // 109 // गणिए य अंकनासो अण्णे उ सुवण्णजायणं दंडे / आयव्वयचिंता तह अण्णे उ हियायरियसंखा // 110 // कूवे सिराइणाणं तुल्ले तत्थ वि तिरिच्छमाहणणं / अण्णे णिहाणसंपत्तुवायमो बिति एयं तु // 111 // आसे रक्खिय धूया धम्मोवलरुक्खधीरजायणया / अण्णे कुमारगहणे लक्खणजुयगहणमाहंसु // 112 // गद्दभतरुणो राया तप्पिय वुड्डाणऽदंसणं कडगे / पिइभत्तणयण वसणे तिसाइ खरमुयणसिरसलिलं // 113 // लक्खणरामे देवीहरणे सोगम्मि आलिहे चलणा। उवरि ण दिट्ठजोगो अत्थित्तासासणे चेव 100
