________________ जं सामण्णपहाणं गहणं इतरोवसज्जणं चेव / अत्थस्स दंसणं तं विवरीयं होइ णाणं तु // 1368 // जीवसहावातो च्चिय एतं एवं तु होइ णातव्वं / अविसिट्ठम्मि वि अत्थे जुगवं चिय उभयरूवे वि // 1369 // अण्णे सव्वं णेयं जाणति सो जेण तेण सव्वण्णू / सव्वं च दरिसणिज्जं पासइ ता सव्वदरिसि त्ति // 1370 / / णेया तु विसेस च्चिय सामण्णं चेव दरिसणिज्जं तु / ण य अण्णेयण्णाणे वि तस्स णो इट्ठसिद्धि त्ति // 1371 // सव्वण्णुविहाणम्मि वि दिटेट्टाबाधितातो वयणातो / सव्वण्णू होइ जिणो सेसा सव्वे असव्वण्णू // 1372 // एवं सव्वण्णुत्ते सिद्धे णो छिन्नमूलदोसो वि.। पावति एवं भणंतस्स अहिगमे तुल्लदोसो तु // 1373 // केहिचि परिग्गहितो पतणुयकम्मेहिं एत्थ को दोसो ? / वेदस्स वि णिच्चत्तं सव्वेसिमसंमतं चेव // 1374 // सोऊण आगमत्थं एवं समयाणुसारतो सम्म / जोएज्ज सबुद्धीए सेसे वि कुचोज्जपरिहारे // 1375 // काऊण इमं धम्मं विसुद्धचित्ता गुरूवएसेणं / पावंति मुणी अइरा सांसत्तसोक्खं धुवं मोक्खं // 1376 // रागादीणमभावा जम्मादीणं असंभवातो य / अव्वाबाहातो खलु सासयसोक्खं तु सिद्धाणं // 1377 // रागों दोसो मोहो दोसाभिस्संगमादिलिंग त्ति / अतिसंकिलेसरूवा हेतू चिय संकिलेसस्स // 1378 // एतेहऽभिभूयाणं संसारीणं कतो सुहं किंचि ? / / जम्मजरामरणजलं भवजलहिं परियडंताणं // 1379 // 115
