________________ जह पासइ तह पासउ पासति सो जेण दंसणं तं से / जाणति य जेण अरहा तं से णाणन्ति णेतव्वं // 1356 // णामम्मि दंसणम्मि य एत्तो एगयरयम्मि उवउत्तो / सव्वस्स केवलिस्स वि जुगवं दो णत्थि उवयोगा // 1357 // उवयोगो एगतरो पणुवीसतिमे सते सिणातस्स। ... भणितो वियडत्थो च्चिय छद्देसे विसेसेउं // 1358 // कस्स व णाणुमतमिणं जिंणस्स जति होज्ज दो वि उवयोगा / णूणं ण होंति दोण्णी जतो णिसिद्धा सुते बहुसो // 1359 // जं दंसणणाणाई सामनविसेसंगहणरूवाई। . .. तेण ण सव्वण्णू सो णाया ण य सव्वदरिसी वि // 1360 // समुदितमुभयं सव्वं अण्णतरेण ण वि घेप्पति तयं च / भेदाभेदे वि मिहो एसो खलु होइ णातो 'त्ति // 1361 // सामन्नमिह कहंचि णेयं अब्भंतरीकयविसेसं / ते वि इतरेण एवं उभयं पि ण जुज्जई इहरा // 1362 // एवं च उभयरूवे सिद्धे सव्वम्मि वत्थुजायम्मि / दंसणणाणे वि फुडं सिद्धे चिय सव्वविसए त्ति // 1363 // जं एत्थ णिव्विसेसं गहो विसेसाण दंसणं होति / सविसेसं पुण णाणं ता सयलत्थे तओ दो वि // .1364 // समताधम्मविसिटुं घेप्पति जं दंसणेण सव्वं तु / ण तु विसमताएँ ता कह सयलत्थमिणंति वत्तव्वं ? // 1365 // एवं विवज्जासेणं णाणस्स वि असयलत्थया णेया / . उभयग्गहणे य दोण्ह वि अविसेसो पावती णियमा // 1366 // समएतरधम्माणं भेदाभेदम्मि ण खलु अण्णोण्णं / णिरवेक्खमेव गहणं इय सयलत्थे तओ दो वि // 1367 // 114
