________________ दितस्स लभंतस्स य भुंजंतस्स य जिणस्स एस गुणो / खीणंतराइयत्ते जं से विग्धं ण संभवति // 1344 // उवउत्तस्सेमेव य णाणम्मि व दंसणम्मि व जिणस्स / खीणावरणगुणोऽयं जं कसिणं मुणति पासति वा // 1345 // पासंतो वि ण जाणइ जाणं ण पासती जति जिणिदो / एवं ण कदाचि वि सो सव्वण्णू सव्वदरिसी य // 1346 // जुगवमजाणंतो वि हु चाहिं वि णाणेहिं जह उ चउनाणी / भण्णति तहेव अरहा सव्वणू सव्वदरिसी य // 1347 // तुल्ले उभयावरणक्खयम्मि पुव्वं समुब्भवो कस्स? / दुविहुवओगाभावे जिणस्स जुगवन्ति चोदेति // 1348 // भण्णति ण एस णियमो जुगवुप्पण्णेण जुगवमेवेह / होयव्वं उवओगेण एत्थ सुण ताव दिटुंतं // 1349 // जह जुगवुप्पत्तीए वि सुत्ते सम्मत्तमतिसुतादीणं / णत्थि जुगवोवओगो सव्वेसु तहेव केवलिणो // 1350 // भणितं पण्णत्तीए पण्णवणादिसु जह जिणो भगवं / जं जाणती ण पासति तं अणुरयणप्पभादीणं // 1351 // जह किर खीणावरणे देसण्णाणाण संभवो ण जिणे / उभयावरणातीते तह केवलदसणस्सावि // 1352 // देसण्णाणोवरमे जह केवलणाणसंभको भणितो। देसइंसणविगमे तह केवलदंसणं होतु // 1353 // अह देसणाणदंसणविगमे तव केवलं मतं णाणं / ण मतं केवलदसणमिच्छामेत्तं णणु तदेवं // 1354 // भण्णति जहोहिणाणी जाणति पासति य भासियं सुत्ते / ण य णाम ओहिदंसणणाणेगत्तं तह इमं पि // 1355 // .. . 113
