________________ वेज्जगजोतिससत्थं अतिंदियत्थेसु संगतं पि कहं / . जुज्जति ? अतिदियत्थण्णुपुरुसविरहम्मि वत्तव्वं // 1308 // वुड्डपरंपरतो च्चिय अह तं आदीएँ णिच्छियं केण ? | अंधाण परंपरओ णहि रूवे मुणइ दीहो वि // 1309 // न य तं सयं कहेई ममेस अत्थो अचेयणत्तणतो / . पुरिसेण विवेचिज्जइ एसो तु मतीविसेसेण // 1310 // ण य सामण्णमतीए विवेचितुं तीरती ततो पढमं / सुविवेचितसिटे उण तहा गहो होतिमीए वि // 1311 // अंधो वि अणंघेणं सम्मं कहियं कहंचि रूवं पि / . पडिवज्जित्तु पसाहइ तहाविधं कं पि ववहारं // 1312 // जस्सेरिसा दसाओ सो सुक्कपडो इमो णय इमो त्ति / एवं विणिच्छियमती दीसति लोए ववहरंतो // 1313 // एवं इमे वि विज्जादिगा इहं सम्मणाणिपुव्वातो / उवदेसतो पयट्टा पारंपरए ण तु विसेसो // 1314 // सव्वं तिकालजुत्तं तीयादिसु कह य तस्स पच्चक्खं ? / तेसिमभावातो चिय भावे तीतादिमो किह णु ? // 1315 // तेसिमभावो तु मुसा वत्थु जतो दव्वपज्जवसहावं / / भेदाभेदो य मिहो अस्थि य तं वत्तमाणे वि // 1316 // सयलातीतावत्थाजण्णं पारंपरेण जमिदाणिं / एसाण य एवं चिय जणगं खलु होइ णातव्वं // 1317 // तीए तीए सत्तीएँ पावितं जं पाविहिति सा सा / . तं तं तओ वियाणइ आवरणाभावतो चेव // 1318 // पावति तस्साभावो मूलाभावातो अहव एगत्तं / एगंततो त्ति एवं कहं णु अद्धादिभेदो वि? // 1319 // 110
