________________ एगंतेण सतो चिय पामन्ने जं ततो कुविण्णाणं / / तस्स चिय पमाणत्तं पावइ जह सम्मणाणस्स // 1260 // अह तं ण तओ, इतरं पि णेव, वक्खाणिदोसतो तं चे / इयरं पि किन्न गुणतो ? एवं सति णिप्फलो वेदो // 1261 // उप्पन्नम्मि वि णाणे तत्तो तह संसयादिभावातो / . अण्णत्तो तेसि चिय णिवित्तिओ कहं सतो चेव ? // 1262H / / ण य होति संसयादी दीवादिपगासिए घडादिम्मि / णाते ण य सो कस्सइ विवरीयपयासणं कुणइ // 1263 // कंदोट्टादिसु अह सो पगासती रत्तयादि विवरीयं / तण्णो तज्जोगाओ तस्सेव तहापरिणतीतो // 1264 // उलुगादीणं दिणगरकिरणा भासंति जह तमोरूवा / वेदत्थो वि हु एवं पावेण ण सम्मं केसिंचि // 1265 // णाते वि संसयादी कहं णु जायंति ? ते वि पावातो / तदभावे तदभावा सिद्धं परतो वि पामन्नं // 1266 // एगंतेण तु सत एव तम्मि सइ सव्वहेव सव्वेसि / कुज्जा पमाणकज्जं सहावभेदादिविरहातो. // 1267 // एवं च गम्मइ जदा कहंचि णिच्चातो आगमातो सो / संपइ तदा ण जुत्तं जं वुत्तं पुव्वपक्खम्मि // 1268 // अन्नं च गम्मइ तओ केण पमाणेण एवमाई उ। इतरेतरासओ वि हु फलभूयत्तेण नो तस्स // 1269 // सुत्तस्स अत्थवत्ता सव्वण्णू सो य तम्मेि फलभूतो। . पामण्णं च सतो च्चिय इमस्स ता कह णु दोस त्ति ? // 1270 // पडिसेहगे पमाणे सो सव्वण्णु त्ति अस्स को अंत्यो ? / जति किंचिण्णू णणु किं तेण ण णायं ति वत्तव् ? // 1271 // 106
