________________ मंसासुइरसणाणे वि तस्स दोसो ण विज्जती चेव / जमणिदियं तयं ण य रागादीदोसहेतु त्ति // 1236 // णज्जइ य तओ तइया चिंतियसव्वत्थपगडणेणेव / ववहारणयमतेणं सुसंपदाओ (या) य एण्डिं पि // 1237 // चउवेदो वि हु एवं णज्जइ ववहारणयमएणेव / अचउव्वेदेहि अह अस्थि सो एवमितरो वि . // 1238 / / अह णिच्छएण विं इमो णज्जइ अन्नेण तुलणाणेण / इयरम्मि (वि) तुलमिणं संति य बहवे त्थ सव्वन्नू // 1239 // एहिं पि आगमातो कहंचि णिच्चो य सो मओ अम्हं / ण य एस अत्थवादो फलं जतो चोदणाए उ // 1240 // भणियं च सग्गकेवलफलस्थिणा इह. तवादि कायव्वं / सग्गो व्व फलं केवलमसेसदव्वादिविसयं तं // 1241 // णिच्छियमव्विवरीयं जणेइ जं पच्चयं जहा चक्खू / ता माणमागमो सो णायव्वो बुद्धिमंतेहिं .. // 1242 // . एयस्स य पामण्णं सत एव कहंचि होइ दट्ठव्वं / एवं च ततो सग्गे व्व णिच्छओ तम्मि उववण्णो // 1243 // सिय सुहपगरिसरूवो सग्गो तं चेत्थ अणुहवपसिद्धं / ण य केवलं ति तं णो दोण्ह वि सामन्नसिद्धीओ // 1244 // णहि जं विसिट्ठसाहणसज्झा दीसंति सुहविसेसा वि / सामनेण उ दीसइ णाणं पि समाणमेवेदं // 1245 // एगंतेण उ णिच्चो अतिंदियत्थो य आगमो जेसि / .... रागादिअविज्जाए गहिआ पुरिसा य सव्वे वि // 1246 / / तेसिमिह किं पमाणं ? इमस्स वयणस्स एरिसो अत्थो / ण तु एरिसो त्ति णिच्छयविरहम्मि य कह पवित्ती वि ?1247 // 1DX
