________________ विधुरत्तं च विसेसाण णाणविसयत्तमिच्छियव्वं तु / पावेइ अण्णहा छ?माणवभिचारदोसो तु // 1224 // ण य ते णुमाणगम्मा लिंगाभावा ण सद्दगम्मा य / / विसयाभावा विहिपडिसेहा विसओ जतो तस्स // 1225 // उवमागम्मा वि ण ते आलंबणजोगविरहतो तेसिं / अत्थावत्तीएँ वि एवमेव ते णावगमंति // 1226 // तम्हा अभावविसया संति य वभिचारिमो अभावो भे / भावे अह किं माणं ? सामण्णविवक्खभावो तु // 1227 // ता पच्चक्खेणं चिय ते गम्मति त्ति इच्छियव्वमिणं / जस्स य ते पच्चक्खा सो सव्वण्णु त्ति एवं पि // 1228 // ण य ते इंदियजेणं गम्मति तयं ति अन्नमेवेह / एवं विरुद्धदोसो ण होइ बाधाएँ भावातो // 1229 // ण तु एवमवस्सं चिय रुक्खा छेयकिरियाएँ विसओ त्ति / जोगत्ता तं जं सा भणिता इह पत्थिवेसुं तु // 1230 // एतेणं चिय सति तम्मि सव्वमेतांवदेव एमादी। पडिसिद्धं दट्ठव्वं सव्वपरिच्छेदसिद्धीओ // 1231 // जं सव्वणाणमो इह केवलनाणं ण देसणाणेहिं / ता जुत्तो वभिचारो वोत्तुं तस्सोहिमादीहिं . . // 1232 // सव्वविसयं च एतं ति एत्थ पुव्वोदिगा तु उववत्ती / जं सामनविसेसे विहाय वत्थंतरं. णत्थि // 1233 // ते य जह णाणगम्मा तह भणितं तस्स यऽण्णरूवत्ते / नो वत्थुत्तं तस्सऽत्तणिच्छओ कह ण एवं तु ? // 1234 // जम्हा पच्चक्खेणेव सव्वरूवादिजाणणं जुत्तं / सव्वन्नुनिच्छयो अत्तणो य तम्हा सपक्खोऽयं // 1235 // .. 103
