________________ पडिवक्खभावणाओ अणुहवसिद्धो य हासभावो सिं / थीविग्गहादितत्तं भावयतो होइ भव्वस्स // 1164 // जइ नाम हासभावो सव्वाभावम्मि तेसि को हेऊ ? / पडिवक्खभावण च्चिय सम्मं अद्धाविसेसेणं // 1165 // देसक्खयोऽत्थ जेसिं दीसइ सव्वक्खयो वि तेसिं तु / तद्धेतुपगरिसातो कंचणमलरोगमादीणं // 1166 / / नाणी तवम्मि निरओ चारित्ती भावणाएँ जोगो त्ति / सा पुण विचित्तरूवाऽवत्थाभेदेण निद्दिट्ठां // 1167 // भावेइ य दोसाणं निदाणमेसो तहा सरूवं च। विसयं फलं च सम्मं एवं च विरज्जई तेसुं // 1168 // जं कुच्छियाणुजोगो पयइविसुद्धस्स चेव जीवस्स / / एतेसिमो णिदाणं बुहाण न य सुंदरं एयं // 1169 // रूवं पि संकिलेसोऽमिस्संगापीतिमादिलिंगो उ / परमसुहपच्चणीओ एयं पि असोहणं चेव // 1170 // विसओ य भंगुरो खलु गुणरहितो तह य तहऽतहारूवो / संपत्तिनिप्फलो केवलं तु मूलं अणत्थाणं // 1171 // जम्मजरामरणादी विचित्तरूवो फलं तु संसारो / बुहजणणिव्वेदकरो एसो वि तहाविहो चेव // 1172 // एते भावेमाणो एएसिं चेव निग्गुणत्तणओ। एईए पगरिसम्मि विरज्जती सव्वहा तेसु // 1173 // नाणादिगाऽहवेसा सव्व च्चिय तेसि खयनिमित्ता उ। . पडिवक्खभावणा खलु परमगुरूहि जतो भणियं // 1174 // नाणं पगासगं सोहओ तवो संजमो य गुत्तिकरों। तिण्हं पि समायोगे मोक्खो जिणसासणे भणिओ // 1175 / / 98
