________________ अन्नेसिं मोहोदयहेतुअभावो सुहाणुबंधातो / . गुत्तिदियया य गुणा अणन्नतुल्ला मुणेयव्वा // 1116 // ता जुत्तमेव तस्सिह मोत्तुं वत्थादिगं पि उवगरणं / तेण विणा वि स जम्हा फलमिटुं साहती चेव // 1117 // जो पुण तग्गुणरहिओ तं चेव फलं कहंचि इच्छंतो / पारंपरेण तस्सेव साहगं मुयइ उवगरणं // 1118 / / सो सव्वहेव तप्फलसाहणविगलो जणम्मि अप्पाणं / वायामेत्तेणं डिंभनरवती जह विडंबेति - // 1119 // ण य उवगरणेण विणा चोद्दसपुव्वी घडा घडसहस्सं / कुणइ त्ति कुंभगारस्स तस्स परिवज्जणं जुत्तं // 1120 // जिय जग्गुणरहितो वि हु पव्वज्जं गेण्हती तदत्थं तु / सच्चं चऽणुक्कमेणं तेसुं पुण तेण जइयव्वं // 1121 // मूलाओ साहाओ साहाहितो न होइ मूलं तु / चरणं च एत्थ मूलं नायव्वं समणधम्मम्मि // 1122 // जं चरणं पढमगुणो जतीण मूलं तु तस्स वि अहिंसा / तप्पालणे च्चिय तओ जइयव्वं अप्पमत्तेणं // 1123 // ण य धम्मोवगरणमंतरेण सा पालिउं जतो सका। सव्वेण तओ गेझं तं उचियं निम्ममत्तेणं // 1124 // जिणकप्पिओ न गिण्हइ किंची सो बहुगुणो य तुम्हाणं / तग्गुणजुत्तो उ तओ ण गेण्हती न पुण सव्वो वि // 1125 // देहतिणतुल्लवत्था छज्जीवहिउज्जया महासत्ता / गोयमपमुहा मुणिणो न य णो सिद्धा चरित्ताओ // 1126 / / न य भगवता वि वत्थं ण गहितमेव त्ति सक्कदिन्नस्स / सोवगरणधम्मविधाणहेउमेवेह धरणातो // 1127 // 14
