________________ 30 दुवालसमो देवभवो। विज्जा-निमित्त-कव्व-वाय-धम्मकहाहिं जं जिणसासणस्स पभावणाकरणं तं वीसइमं ठाणगं 20 / एएस ठाणगेसु एगमवि ठाणगं तित्थयरनामकम्मरस बंधकारणं / एसो भयवं सव्वेहिं ठाणगेहि पि तित्थयरनामकम्मं बंधित्था / बाहुमुणिणा साहूण वेयावच्चं कुणंतेण चक्कवट्टि-भोगफलदायगं कम्म उवज्जिअं / सुबाहुसाहुणा तवंसीणं महरिसीणं विस्सामणं कुणंतेण लोगुत्तरं बाहुबलं समुबज्जिअं / तया वज्जणाभो मुर्णिदो 'अहो ! इमे साहुवेयावच्चविस्सामपरा धण्णा' इअ बाहु-सुबाहुमुणिणो पसंसित्था / ताणं पसंसं सोचा ते उ पीढ-महापीढ मुणिणो परिचिंतिंसु-'जो हि उवगारयरो सच्चिा इह पसंसिज्जइ, आगमऽज्झयणपढण-ज्झाणरए अणुवकारिणो अम्हे को पसंसेज्जा ? अहवा कज्जकरो जणो चिअ गिज्झइ' एवं ईसानिबद्धदुक्कयकम्मं अणालोयंतेहिं मायामिच्छत्तजुत्तेहिं तेहिं इत्थित्तणनिबंधणं कम्मं उपज्जिअं / वज्जणाहाईणं सवसिद्धविमाणे समुप्पाओ एवं वज्जणाभप्पमुहा छ कि मुणिवरा चउद्दस-पुव्वलक्खे जाव असिधारासहोयरं निरइयारं पव्वज्ज पालिंसु / पज्जते दुविहसंलेहणापुव्वयं पायवोवगमणाऽणसणं पडिवज्जित्ताणं समाहिणा कालं काऊण सवट्ठसिद्धविमाणे तित्तीससागरोवमाउसा सुरवरा समुप्पण्णा / इक्कारसमो वज्जणाहचकवट्टि भवो, दुवालसमो देवभवो य समत्तो / एवं उसहदेवस्स, दुवालस भवा इमे / वुत्ता पढमवग्गस्स, पढमोद्देसगे इह // इअ. सिरितवागच्छाहिवइ-सिरिकयंबप्पमुहाणेगतित्थोद्धारग-सासणप्पहावग-आबालबंभयारिसूरीससेहर-आयरिअविजयनेमिसूरीसर-पट्टालंकार समयण्णु-संतमुत्ति-वच्छल्लवारिहि-आयरिअविजयविण्णाणसूरीसर-पट्टधर-सिद्धंतमहोदहि पाइअभासाविसारयायरिअ-विजयकत्थूरसूरिविरइए महापुरिसचरिए पढमवग्गम्मि उसहजिणीसरस्स धणाइदुवालसभवसरूवो पढमोउद्देसो समत्तो // उद्देसो बीओ कुलगराणं उप्पत्ती इह जंबूदीवस्स पच्छिमविदेहे अरीहि अवराइआ नामेण वि अवराइआ पुरी अस्थि / तीए नयरीए सिरीए ईसाणिदो इव ईसाणचंदो नाम राया होत्था /
