________________ पडमो धणसत्थवाहभवो गवेसमाणो मुद्धनियहिययमिब घयं पासित्था, 'तुम्हाणं एवं कप्पेज्जा' इअ कहिऊण 'कप्पिज्ज'त्ति वयंतस्स साहुस्स पत्तम्मि सव्वं घयं दिणं / / धणस्स घयदाणेण बोहिबीयसंपत्ती धण्णो हं कयपुष्णो अहं ति चिंतितो मुणीणं पाए पणमेइ / मुणिणो वि सव्वकल्लागसिद्धीए सिद्धमंतसमं धम्मलाहं दाऊण तओ निग्गया। एवं धणसत्यवाहेण तया घयदाणपहावेण निम्मलयरभावविसुद्वीए सिवतरुवीयसमं मुदुल्लई बोहिबीअं पत्तं / - धम्मुवएसो* ___रयणीए मुणीण उवस्सए गंतूण मुर्णिदं पणमित्ता पुरओ उवविट्ठो / तया धम्मघोसरिंदो मेहझुणिणा देसणं देइ धम्मो मंगलमुविकटुं, धम्मो सग्गाववग्गओ। / धम्मो संसारकंतारु-ल्लंघणे मग्गदेसओ // 3 // धम्माओ भूवो होज्जा एवं धम्माओ वासुदेवो बलदेवो चक्कवट्टी देवो इंदो अ इवइ, धम्माहि गेवेज्जय-अणुत्तरेसु अहमिंदत्तणं पावेइ, एत्तो किं किं न सिझइ ? जओ उत्तं सग्गो ताण घरंगणे सहयरा, सव्वा सुहा संपया। सोहग्गाइगुणावली विरयए, सव्वंगमालिंगणं // संसारो न दुरुत्तरो सिवसुहं, पत्तं करंभोरुहे / जे सम्मं जिणधम्मकम्मकरणे, वटुंति उद्धारया // 4 // .... सो धम्मो दाण-सील-तव-भाव-भेयाओ चउविहो होइ / तत्थ नाणदाणअभयदाण-धम्मुवग्गहदाणओ दाणधम्मो तिविहो वुत्तो, भव्वजीवाणं धम्मुवएसेण नाणसाहणदाणेण य नाणदाणं कहियं / नाणेण जीवो हियाहियं जीवाजीवाइ-नवतत्ताई जाणेइ, विरइं च पावेइ, तो निम्मलं केवलनाणं लहिऊणं निहिललोगेसु अणुगिण्हित्ता परमपयं च पावेइ / अभयदाणं तु मणवायाकाएहिं करणकारण-अणुमोयणेहिपि जीवाणं वहवज्जणाओ होइ / अभयदाणेण जणो जम्मंतरेसु कंतो दीहाउसो आरुग्गवंतो सुरूवो लायण्णवंतो दिढसत्तिमंतो य होइ, तओ परलोगे सुहं इच्छंतेण जीवेसु जीवदया कायव्वा / जओ उत्तं इक्कस्स कए निअजीविअस्स, बहआओ जीवकोडीओ। दुक्खे ठवंति जे केइ, ताण किं सासयं जीअं ? // 5 // 1 धर्मात्
