Page Text
________________ सिरिउसहनाहचरिए पहमि जं पओयणं सिया तं अंगीकाऊण मग्गे सह आणीआ / अज्जच्चिअ ते संइपहमि समागया, जडेण मए किं कयं ? वायामेत्तेण वि अज्ज जाव उइअं न कयं, अज्ज अहं ताणं मूरिपुंगवाणं नियमुहं कहं दंसिस्सं ? तहवि अज्जावि तेसिं वयणकमलं पासिऊण नियावराहे पक्खालिस्सं, सव्वत्थ वि निरीहवित्तीणं तेसिं तु किं मए कायव्यं ? एवं चिंतमाणस्स मुणिदंसणे ऊसुगचित्तस्स सूरोदओ संजाओ / सुइवत्थविहूसिओ पहाणजणसहिओ धणो सूरीणमुवस्सए समागओ / अभंतरे पविसतो सो पावसमुदस्स मंथणदंडमिव, निव्वुईए पहमिव, धम्मस्स अत्थाणमिव, कल्लाणसंपयाए हारमिव, सिवकंखीणं कप्पदुममिव, संघस्स अलंकारमिव, मुत्तिमंतं आगममिब, तित्थयरमिव धम्मघोसमुर्णिदं पासित्था / तत्थ के वि साहवो झाणाहीणअप्पाणो, के वि मैउणवइणो, के वि काउस्सग्गे संठिआ, के वि आगमपढणतल्लिच्छा, के वि वायणादाणतप्परा, के वि गुरुवंदणसीला. के वि धम्मकहं कुणंता, के वि मुअनाणस्स उद्देसगा, के वि सुअस्स अणुण्णादाइणो, के वि तत्ताइं वयंता दिहा / सो धणो आयरिअपायपंकयं पणमित्ता जहक्कम साहुणो वि वंदेइ / मुणिंदो वि तस्स पावपणासणं धम्मलाई देइ / सूरिधणसत्थवाहाणं संलावो तओ आयरिअपायकमले रायसो इव उवविसित्ता वोत्तं पारंभेइ-'भयवं ! तया सहागमणामंतणं कुणंतेण मर निष्फलं चित्र संभमो दंसिओ, जओ ताओ दिणाओ आरब्भ अन्ज जाव न दिट्ठा न य वंदिआ, न य कयावि अण्ण-पाणीअ-बत्थपमुहेहिं सक्कारिआ, मए मृढेण किं कयं ? जं पूयणिज्जा वि एवं अवमण्णिा / मम इमं पमायायरणं भयवंता ! तुम्हे सहिज्जाह, महापुरिसा पुढिविव्व सव्वंसहा चिय' / सूरिणो वि आहु-'अम्हाणं मग्गंमि दुट्ठ-सावय-चोर पमुहेहितो' रक्खंतेण तुमए किं न कयं ?, अन्नं च तव एव सत्थजणा पासुअं कप्पणिज्जं उइअं असणपाणाई दिति, तम्हा अम्हाणं सव्वं सिज्झइ, ऊणया कावि न / तओ हे सुद्धासय ! मा विसायं कुणम्'। सत्यवाहो वोल्लेइ-उत्तमा गुणे च्चिय पासंति, तेण तुम्हेहिं एवं वुच्चइ / अओ नियपमारण लज्जिओम्हि, किवं ममोवरिं किच्चा साहू अज्ज मज्झ गेहे पेसह, जहेच्छ आहारं देमि / सूरी आह-वट्टमाणेण जोगेण' जारिसा भिक्खा मुणीणं कप्पइ तं तु तुमं जाणेसि / धणो 'जं चिय उवयरिस्सइ तमेव दाह' ति वोत्तूर्ण नमिऊण निआवासे गओ / इमस्स अणुपयमेव 'साहु-संघाडओ धणावासे गओ, तया तस्स अगारे दइव्वजोगओ किमवि कप्पणिज्जं न सिया, तत्तो इओ तो 1 स्मृतिपथे / 2 मौनप्रतिनः / 3 साधुखंघाटकः-साधुयुगलम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |