Page Text
________________ सिरिउसहनाहचरिए निअसूअगारे कहेइ-एएसि आयरिअवरियाणं कए असण-पाणाइयं तुम्हेहिं सइ कायव्वं, एवं सोऊण आयरिआ कर्हिति-'अम्हाणं मुणीणं नियनिमत्तं कयं कारिय अणुमोइअं च अन्नाई न कप्पइ, किं च हे सत्थवाह ! सिरिजिणंदसासणे वावी-कूव-तडाग-सरियाइगयं | असत्योवनयं जलंपि वारिय, महुगरवित्तीए आहारगवेसिणो अम्हे, तेण अणेण अलं / महुगारसमा बुद्धा, जे भवंति अणिस्सिआ। नाणापिंडरया दंता, तेण वुच्चंति साहुणो॥१॥ एत्यंतरंमि केण वि जणेण सत्यवाहस्स पुरओ पक्कअंबफलभरभरियं एगं थालगं उबिअं / तओ पमोअपुलइअमणो सत्थवाहो मुर्णिदं कहेइ-हे भयवं ! अमूई फलाई गिण्हह, मं च अणुगिण्हित्था / सूरी कहेइ-असत्योवयं एरिसफलाइयं अम्हाणं फासिउं पि न कप्पइ किं पुणो खाइउं ? / समणायारसवणगुणरंजिओ धणो कहेइ-अहो ! दुक्करं समणत्तणपालणं, अम्हारिसेहिं पमायगत्थेहिं एगदिवसंपि पालिउं असक्कमेव / तो सिरिमंताणं जं कप्पणिज्नं तं दाहिस्सं, मइ पसीएह, जहाणुकुलं मए सद्धिं आगच्छिज्जाह एवं वोत्तूण नमिऊण मुणिंदे गमणाय अणुजाणित्या / तओ सत्थवाहो चंचलेहि तुरंगेहि उद्देहिं वसहेहिं विविहवाहणेहिं च तुंगेहिं तरंगेहिं सागरुब्व निग्गओ। धणेण सह घम्मघोसायरिअस्स नगराओ निग्गमणं - ___ अह सामण्णमूलगुणुत्तरगुणगण-समण्णिअ-समणवरेहि सह आयरिअपुंगवा वि तेण सह चलिआ / सत्यरक्खणत्यं सो धणो सया अग्गओ तस्स य मित्तो माणिभद्दो पिडओ चलेइ, उभयपासाओ विविहसत्यधराऽऽसारोहवरसुहडेहिं रक्खिज्जमाणो सत्यपाणीहिं च आरकखगगणेहिं सचओ समंतओ परिवेढिओ वइरपंजरमज्झठिओ इव स सत्थो पहंमि निग्गच्छित्या / एवं धणो निद्धण-सिरिमंताणं समभावेण जोगं खेमं च कुणतो सव्वे सह निविग्घेण नेसी / एवं सव्वलोएहिं पसंसिज्जमाणो सो धणो दिणे दिणे रविच्च पयाणं कासी / कईसु पयाणेसु कएमु पहियजणाणं भयंकरो भीसणो अच्चुहामो सरोवराणं सरियाणं च पयाई तणूकुणंतो गिम्हउऊ संजाओ / गिम्ह-वासा-उउवण्णणं ) तेवणोवि वन्हिच्छडुवमं आतवं वितेणेइ / अच्चंतदसहो पवणो वाइ। तिव्वातवपीलिआ सत्यपहिआ मग्गे पइतरं उवविसंता पैइपवं पवेसं कुणंता पयं पिच्चा पिच्चा भूमीए पलोट्टिसु। दिणयरस्स तत्तलोहसरिसपयंडकिरणेहिं मयणपिंडुव्व सरीराणि वि विलीणाणि। / तपनः-सूर्यः / 2 प्रतिप्रपम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |