Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 243

भरहस्स भोगा। भरहस्सं अउज्झापुरीए गमणं . - इअ पच्चेगं सव्वे अरिहंते थुणिऊण नमंसिऊण य सिंहनिसज्जाचेइयाओ निगच्छेइ, वलंतग्गीवो तं चेइअं पियमित्तं व विलोयंतो सपरिच्छओ भरहनरिंदो अहावयगिरित्तो उत्तरेइ, लग्गवत्थंचलो विव गिरिविलग्गमणो अउज्झावई तओ मंद मंद अउज्झानयरिं पइ चलेइ, सोगपूरेहिं पिव सेणोद्भूएहिं रयपूरेहिं दिसाओ वि आउलाओ कुणतो 'सोगत्तो भूवई कमेण नियपुरि पावेइ, तइया बाहं तदुक्खदुहिएहिं सोयरेहि पिव नगरलोगेहि असुजुयनयणेहिं दीसमाणो भरहनरिंदो विणीयानयरिं पविसेइ, तो सामिपाए सरिऊणं सरिऊणं वुटुसेसजलहरो विव सो नरिंदो अंसुजलबिदवे परिसंतो निय पासायं पविसेइ, सो तत्थ चिलुतो गच्छंतो सुवंतो जागरंतो बाहिरं मज्झे वा दिवा निसाए वा हरियधणो किवणो अत्थं पिव पहुं चिय झायइ, तया अण्णहेउणा वि अट्ठावयगिरियलाओ समागए नरे दणं पुव्वं पिव पहुसरूवं कहिंते सो मण्णेइ / इअ सोगवाउलं भरहनरिंदं पासिऊण मंतिवरा तं एवं बोहिति-हे महाराय ! जो पहू पुच्वं गिहवासस्थिओ वि पसुव्य इमं अबुहजगं ववहारणए पयट्टावित्था, तो गहियदिक्खो भयवं अचिरसमुप्पण्णकेवलो भवजलहितो जगजणं उद्धरिउं इच्छंतो धम्मम्मि पवहिसु, सयं कयकिच्चो होऊण अण्णजणे वि कयकिच्चे काऊण जो परमपयं पावित्था तं पहुं कहं नाम सोएसि ?, एवं कुलामच्चेहिं कहंचि वि बोहिओ महीवई सणिय सणिय रज्जकज्जेसु पवट्टेइ / भरहस्स भोगा तमसा विमुत्तो मयंको विव सणियं सणियं सोगमुत्तो नरीसरो बाहिरं विहारभूमीसुं वियरेइ, गयंदो विंझथलि पिव सामिपाए सुमरिऊण विसीयंतो एसो उवेच्च सया आसण्णसिहजणेहिं 'विणोइज्जइ, एगया सो जगईवई परिवाराणुरोहेण विणोअउप्पत्तिभूमीसुं आरामपंतीमुं गच्छेइ, तत्थ य समागय-इत्थीरज्जेण विव इत्थीबुंदेण सह रम्मासु लयामंडवसेज्जासं रमेइ, स तत्थ कोउगेण विज्जाहराणं पुप्फावचयं विव तरुणजणाणं कुसुमावचयकीलं पेक्खेइ, वरवामलोयणा सयं 'पुप्फनेवत्थं गंठिऊण पुप्फबाणस्स पूर्य पिव तस्स उवणेइ, तं समुवासिउं असंखभूआ उउसिरीओ विव सव्वंगपुप्फाहरणभूसिआओ अंगणाओ तस्स पुरओ कीलेइरे, तासि मज्झे उउदेवयाणं इक्कं अहिदेवयं पिव सव्वओ पुप्फभूसणो सो रायराओ वि रेहेइ / कयाई सो भरहेसरो सबहूजणो रायसो इव कीलादीहियं कीलिउं सेइरं पयाइ, तत्थ य वामनयणाहिं सह भरहो कणेरुयाहिं सहिओ कुंजरो नम्मयाए विव जलकीलं कुणेइ, तया वामलोयणा-सिक्खिआओ विव जैलुम्मीओ तं आलिंगंतीओ खणं कंठम्मि, खणं बाइसुं, खणं हिययम्मिपडेइरे / 1 शोकात्तः / 2 सोदरैरिव / 3 राहुणा / 5 गजेन्द्रः / 5 विनोद्यते / 6 पुष्पनेपथ्यम्-पुष्यवेषभूषणम् / 7 पुष्पबाणस्य-कामस्य / 8 क्रीडादीर्घिकाम् / 9 स्वैरम् / 1. जलोर्मयः-जलतरमाः / .