Siri Usahanahchariyam

SR No.: 004443
Original Sutra Author: N/A
Author: Vijaykastursuri, Chandrodayvijay Gani
Publisher: Nemi Vigyan Kastursuri Gyanmandir
Publication Year: 1968
Total Pages: 250
Language: Sanskrit
Classification: Book_Devnagari
File Size: 6 MB

Page 223

199 सिरिउसहजिणीसरकहियभावितित्थयराणं सरूवं जयादेवीजाओ बावत्तरिवरिसलक्खाउसो सत्तरिधणुहसमुण्णओ रत्तवण्णो चउपण्णवरिसल खवयपज्जाओ बारहमो वासुपुज्जतित्थयरो होही, तह सागरोवमाणं चउपण्णासं अंतरं 12 / कंपिल्लनयरम्मि कयवम्मनिव-सामादेवीभवो सहिवरिसलक्खाउसो सठिधणुहदेहो सुवण्णनिहो पण्णरहवरिसलक्खवयपज्जाओ तेरहमो विमलजिणो भविस्सइ, वासुपुज्जनिव्वाण-विमलजिणनिव्वाणंतरे य तीसं सागरोवमा होहिरे 13 // अउज्झापुरीए सिंहसेणनरिंद-सुजसातणओ कणगवण्णो तीसलक्खवरिसाउवको पण्णासधणुहदेहो सड्ढसत्तवरिसलक्खवयपज्जाओ चउद्दसमो अणंतजिणवरो होही, विमलजिणमोक्ख-अणंतजिणमोक्खाणं अंतरं नव सागरा जाणियवा 14 / रयणपुरम्मि भाणुभूवइ-मुन्वयादेवीनंदणो कणयाहो दसवरिसलक्खाउसो पणयालीसधणुण्णयदेहो सहलक्खदुगवरिसवयपज्जो पण्णरसमो धम्मजिणीसरो होही, अणंतजिण-धम्मजिणनिव्वाणमंतरं घउसागरोवमपमाणं 15 / गयपुरनयरम्मि वीससेणनिवा' इरादेवीसुओ कंरणनिहो वरिसलक्खाउसो चत्तालीस घणुहदेहमाणो पणवीसवरिससहस्सवयपज्जाओ सोलसमो सिरिसंतिणाहो जिणवरो होही, चउभागीकयपल्लस्स भागतिगोणं सागरोवमतियं अंतरं 16 / गयपुरनयरे सूरनरवइ-सिरिदेवीसुओ सुवण्णसरिसो पण नवइवरिससहस्साउसो पणतीसधणुहतुंगो सढसत्तसयजुय-तेवीसवरिससहस्सवयपज्जओ सत्तरसमो कुंथुणाहो तित्थयरो होही, ताणं च अंतरं अइढपल्लुवमं 17 गयपुरनयरे सुदंसणनरेस-देवीनंदणो कणयनिहो चउरासीइवरिससहस्साउसो तीसधणुहुण्णअदेहो एगवीसवरिससहस्सवयपज्जाओ अहारसमो अरो नाम जिर्णिदो होही, वरिसकोडिसहस्सोणपल्लु वमतुरियंसो जिणंतरं 18 / मिहिलानयरीए कुंभनरिंद-पहावईदेवीतणओ नीलवण्णदेहो पणवीसधणुस्सओ पणपण्णवरिससहस्साउसो एगवरिससय-ऊण-पणपण्णवरिससहस्सवयपज्जाओ एगृणवीसइमो मल्लीनाहजिणेसरो भविस्सइ, जिणंतरं वरिसकोडीसहस्सपमाणं 19 / रायगिहनयरम्मि सुमित्तनरवइपउमादेवीसुओ किण्हवण्णो तीसवरिससहस्साउसो वीसधणुहुस्सयदेहो सह-सत्तवरिससहस्सवयपज्जाओ वीसइमो मुणिसुव्वयजिणिंदो होही, चउप्पण्णवरिसलक्खमाणं च जिणंतरं 20 / मिहिलानयरीए विजयनिव-वप्पादेवीतणो सुवण्णनिहो दसवरिससहस्साउसो पण्णरसधणुहदेहो सढदुगवरिससहस्सवयपज्जाओ इक्कवीसइमो नमितित्थयरो भविस्सइ, छवरिसलक्खपमाणं मोक्खंतर 21 // सोरिअपुरम्मि समुद्दविजयराय-सिवादेवीजाओ सामवण्णो दसधणुहतुंगो वरिससहस्साउसो सत्तवरिससयवयपज्जाओ बावीसइमो नेमिणाहो तित्थयरो 1 अचिरादेवी० /