Page Text
________________ सिरिउसहनाहचरिय क्खापुव्वयं भोयणं दायव्यं, एवं सोच्चा ते सू'वकारा पुच्छंति-के भवंता !, ते बवन्ति'अम्हे सावगा अत्थि,' सावगाणं कई वयाई संति ?, ताई अम्हाणं संसेह / अह ते कहिति-अम्हाणं सावगाणं ताई न होज्जा, किंतु अम्हाणं सया वि हि पंच अणुव्बयाई सत्त सिक्खावयाइं च संति, एवं पैरिक्खानिव्वूढा ते सूवकारेहिं भरहभूवइणो दंसिज्जंति / भरहनरिंदो ताणं कागिणीरयणेण नाण-दसण-चरित्तलिां रेहातिगं 'वेगच्छंपिव सुद्धिनिमित्तं विहेइ, एवं अट्ठवरिसे अहवरिसे य परिक्खं ते कुणंति, तहेव हि सावगा कागिणीरयणेण लंछिज्जति, काइणीरयणलंछिया ते भोयणं लहेइरे, अह ते वि उच्चएहिं 'जिओ भवं, वइहए भयं' इच्चाई पढंति, तओ ते 'माहणा' होत्था। ते य माहणा नियाई अवच्चाई साहूगं दिति, ताणं केइ विरत्ता वयं गिण्हंति, केवि परीसहासहा सावगत्तणं उवादिति, ते वि तहेव कागिणीरयणलंछिया समाणा मुंजेइरे / 'भरहनरिंदेण एएसिं भोयणं दिणं' ति लोगो वि सद्धाए ताणं भोयणं देह। जम्हा पूइएहिं पूइओ केण केण न पूइज्जइ / भरहचक्की ताणं सज्झायनिमित्तं अरिहंतथुइ-मुणि सइढ-सामायारीपवित्तिए आरिए वेए विहेइ, कमेण ते उ माहणा 'ब्राह्मणा' इइ पसिद्धि पत्ता, कागिइरयणलेहाओ हु जैण्णोववीययं पत्ताओ, इयं ठिई भरहरज्जे होत्था, भरहरायस्स पुत्तो आइच्चनसो पुणो काइणीरयणाभावाओ सुवण्णजण्णोववीयाई कुणेइरे, महाजसाइणो केई नरिंदा रुप्पमइआई, अण्णे पट्टमुत्तमइआई अवरे सुत्तमइआई कुणेइरे। भरहनरिंदाओ आइच्चजसो तओ महाजसो तो कमेण अइबलो बलभदो बलवीरिओ किस्विीरिओ जलवीरिओ तओ अट्ठमो दंडवीरिओ राया संजाओ त्ति अह पुरिसे जाव अयं आयारो पउत्तो। एएहिं नरिंदेहिं समंतओ भरहढं भुत्तं, भगवओ अ मउडो सक्केण उवणीओ तेहिं सिरम्मि धारिओ, तयणंतरं सेसनरिंदेहिं तस्स महापमाणतणेण वोढुं न पारिज्जइ, हत्थिणो हि भारो हत्थीहिं वोढुं सक्किज्जइ नावरेहिं / नवम-दसमतित्थयराणं अंतरे साहुधम्मविच्छेओ जाओ. तओवि सत्तसुं जिणाणं अंतरेसुं. एवं साहुधम्मविच्छेओ समुप्पण्णो / तइआ जे अरिहंतथुइ-जइधम्म-सड्ढधम्मम आ आरिआ वेआ ते पच्छा मुलसा-'जण्णवक्काईहिं अणारिआ कया। इओ य भरइनरिंदो सावगदाणेहि कामकेलीए य अवरेहिं पि विणोएहिं दिवसे अइवाहितो चिठेइ / अण्णया भयवं उसहपहू महि पाएहि चंदो गयणं पिव पवित्तयंतो अट्ठावयमहागिरि समा. गच्छेइ, तत्थ सज्जो सुरगणविणिम्मियसमोसरणे जगणाहो अच्छेइ, धम्मदेसणं च विहेइ / 1 स्पकाराः-रसवतीकाराः / 2 परीक्षानियूंढाः-विहितपरीक्षाः / 3 वैकक्षमिव-उपनयनवत् / 1 आर्यान् वेदान / 5 यज्ञोपवीतताम् / 6 याज्ञवलक्यादिभिः / 7 पादः-चरणैः किरणश्च /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |