Page Text
________________ 190 सिरिउसहनाहचरिए मुवण्ण-रयणसिलाहिं आयंसतलं पिव समं धरणीयलं बंधेइरे / वंतरदेवा इंदधणुहखंडसोहाविडंबगाई जाणुप्पमाणाई पुप्फाई वरिसिति, चऊसु वि दिसासु अल्लेहिं तरुदलेहिं जउणानई-वीइ-सिरि-सरिस-सोहिराई तोरणाई, विहेइरे / तोरणाई अभिओ थंभेसुं सिंधुनई-उभयतडस्थिअ-मगर-सिरिविडंबिणीओ मगरागिईओ विरायंति, तेसु तोरणेसु चत्तारि सेयाऽऽयवत्ताई चउण्हं दिसादेवीणं रयय निम्मिया दप्पणा इव पयासिरे, तेसु पत्रणतरंगिया आगासगंगा तरलतरंगम्भमदा. इणो प्रयपडा रायंति, तोरणाणं हिट्ठमि हिमि विस्सस्स इहयं मंगलं त्ति चित्तलिविविन्भ मकारिणो मोत्तियसस्थिगाइणो संति / तत्थ पुढवीए रइयपीढम्मि वेमाणिया सुरा रयणागरसिरि-सव्वस्सं पिव रयणमइयं वप्पं विहेइरे, तत्थ वप्पस्सोवरि तेहि देवेहि माणुसोत्तरगिरिसीमम्मि चंदाइच्चमाला विव माणिक्क-कविसीसपरंपरा किज्जइ, तओ जोइ-. सियदेवा हिमगिरिणो मंडलीकयं इक्कं सिहरं पिव कंचणनिम्मियं मज्झमं पागारं रएइरे, तत्थ वप्पम्मि दीहकालं पेक्खगजणपडिबिबिएहिं चित्तसहियाइं पिच रयणमइयाई कविसीसाइं कुणेइरे, भवणवइणो देवा कुंडलीभूय-सेसाऽहि-सरीर-ब्भमकारगं तइयं रुप्पमइयं वप्पं विहेइरे, तत्थ ते खीर-समुद्द-जल-संथिअ-गरुल-सेणि विब्भम-हेउगं कंचणमइयं कविसीसपरंपरं कुणंति / पुणो तेहिं देवेहि वप्पे वप्पे य चत्तारि गोउराई जक्खेहि विणीयानयरीपायारम्मि विव कयाई, गोउरेसुं य तेहिं पसरमाण-नियकिरणेहि चिय सयगुणाई पिव माणिक्कतोरणाई कुणिज्जति, दारंमि दारंमि बंतरेहि चक्खु-रक्खंऽजण-लेहा-सरिसधृवउम्मिधारिणीओ धृवघडीओ निहिज्जति, मज्मवप्पभंतरम्मि पुव्युत्तरदिसाए पहुणो वीसमणत्यं गेहम्मि देवालयं पिव देवा देवच्छंद विहेइरे, वंतरदेवा समोसरणमज्झम्मि पवणमझे कूवयं पित्र तिकोसमाणं चेइयतरं विउचिरे, अह ते देवा चेइयदुमस्स हिम्मि तं मूलाओ किरणेहि पल्लवियं पिव कुणमाणं रयणमइयं पीढं विरएइरे, पुणो ते देवा तस्स पीढस्स उवरि मुहं चेइयरुक्खसाहापनंतपल्लवेहिं पमज्जिज्जमाणं रयगच्छंदयं विहेइरे, तस्स मज्झम्मि पुव्वदिसाए वियसियपंकयकोसमझे कणियं पिव सपायपीढं रयणसीहासणं कुणेइरे, तस्स सीहासणस्स उवरि अभिओ आवटियं गंगानईपवाहत्तयं पिव छत्ततिगं विउविति, पुवसिद्धं पिव कओ वि समाहरिऊण सुरासुरेहिं समोसरणं इह ठवियं पित्र / ___ तओ य जगवई पुब्वदुबारेण भव्वजीवाणं हिययं पिव मोक्खदुवारसमं तं समघसरणं पविसेइ, तो पहू तक्कालं कण्णाऽवयंसीभवंतसाहापज्जतपल्लवं तं असोग 1 आāः / 2 गोपुराणि-नगरद्वाराणि / 3 कूपकम् -कूपस्तम्मम् / 4 चैत्यतरुम् / 5 आवर्तितम्-चक्राकारेण भ्रमणशीलम् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |