Page Text
________________ सुवेगकयबाहुबलिसुहडपसंसा। तस्स जे कराइपयाइणो जणा जाणवया य तेवि अणुरागेण भिच्चा विव पाणेहिं पि पियं काउं इच्छेइरे, सिंहा इव वणेअरा गिरियरा जे सुहडा ते वि वसीभूया तस्स माणसिद्धिं काउं इच्छेइरे, सामि ! अलाहि वहुणा कहिएण, अहवा अहुणा सो वीरो जोद्धं इच्छाए तुमं दह्र इच्छेइ, न उ दंसणुकंठाए, अओ परं जं अप्पणो रोएई त सामी कुणेउ, जओ दुआ न मंतिणो किंतु सच्चसंदेसवाइणो संति / भरहनरिंदो मुत्तधारुच जुगवं विम्हयाऽमरिस-खमा-हरिसाइं तक्खणं दंसिऊण इअ बवेइभरहनरिंदस्स मंतीहिं सह विधारणा अह सुरासुरमणूसेसु एयस्स सरिसो अण्णो कोवि नस्थित्ति अयं अत्थो मए सिसुकीलासु पि फुडं चिय अणुभूओ, जगत्तयसामिनंदणस्स मज्झ अणुयस्स बाहुबलिणो तिलोई वि तिणमेत्तं ति, एसा न थुई किंतु सच्चो एसो अट्ठो, अणेण लहुबंधुणा अहं सब्बहा सिलाहणिज्जो एव, जं बीयबाहुम्मि लहुयरम्मि एगो महंतो बाहू न सोहइ / जइ. सीहो बंधणं सहेज्जा, सरहो वा वसं वच्चेज्जा, तइया बाहुबली वसीहोज्जा, तो मम किं हि ऊणयरं सिया ? / तओ अम्हे तस्स दुन्विणए सहिस्सामो, जइ लोगा मं असत्तं वइस्सन्ति, ता तं वयंतु, लोगम्मि पउरिसेण धणेण चा सव्वं वत्थु लब्भइ, किं तु विसेसेण तारिसो उ भाया कत्थ वि न पाविज्जइ / मंतिणो ! किं एवं जुत्तं नो वा, तुम्हे तुण्डिं धरिऊणं उदासीणा इव किं ठिआ ?, जह₹ जं भवे तं वएज्जाह / अह सेणाणी सामिणो खमाए बाहुबलिणो य अविणएण पहारेण विव दूणो वएइ-हे देव ! उसहसामिणो पुत्तस्स सुपहुणो भरहेसरस्स उइया खमा, किंतु सा करुणापत्तम्मि जणम्मि अरिहा / जो जस्स गामम्मि वसेज्जा सो तस्स आहीणो जायइ, सो बाहुबली देसं पि भुंजमाणो वयणेणावि तुम्हाणं नो वसो / पाणाणं अवहारी वि तेयं वड्ढवितो वेरी वरं, नियभाउणो तेय-वहविधायगो न उ बंधू वि सेट्ठो / रायाणो कोसेहिं सेण्णेहि मिहिं तणएहिं देहेणावि य अप्पपहावं रक्खेइरे, ताणं पहावो च्चिय जीवियं / सामिणो स-रज्जेणावि किं अपुण्णं होत्था ? जो छखंडभरहखेतविजओ कओ, सो पहावट्ठमेव णायव्वो / एगत्य वि हओ पहावो सव्वत्थ हि हो चेत्र, जओ हि सई पि भट्टसीला सई सव्वया सिया असई। गिहीणं पि धणेसु च्चिय संविभागो जुज्जइ, ते वि गिहिणो बंधवेहि गिज्झमाणं अप्पणो पहावं 1 अमर्षः-क्रोधः / 2 तूष्णीम् / 3 आत्मप्रभावम् / 1 सकृत् /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |