Page Text
________________ 152 सिरिउसहनाहचरिए अक्कमित्ता समागच्छमाणाणं राइणो वरतुरंगमाणं अकिलामो वदृइ किं ?, पत्थिवेहि सेविज्जमाणस्स सव्वत्थ अक्खलियाऽऽणस्स जेहस्स भाउणो सुहेण वासरा किं वइबच्चेइरे ?' इअ परिपुच्छिऊण तुहिक्के संठिए उसहणंदणे सो ऊसुगरहिओ सुवेगो कयंजली इमं वयणं बवेइ-जो सयलाए पिच्छीए सयं कुसलं कुणेइ, तस्स भरहनरिंदस्स कुसलं सो सिद्धं अस्थि / अउज्झापुरीए सुसेणाईणं हत्थिणो तुरंगम स्स य अकुसलं काउं दइव्वो वि किं समत्थो ?, जाणं नायगो तव जिट्ठो भाया। भरहनरिंदाओ तुल्लो अहिगो वा किं को वि कत्थ वि अत्थि ? जो छण्डं भरहखंडाण जयम्मि विग्धयरो होज्जा / अखंडियाऽऽणो सो भरहेसरो सम्वेहि नरीसरेहिं सेविज्जइ, तह वि जाउ चित्तम्मि न पमोएइ, 'जो दलिदो वि कुटुंबेण सेविज्जइ स ईसरो, जो तेण न सेविज्जइ तस्स एस्सरियसुहं कत्तो' ?, सट्ठिवाससहस्सपज्जते समागएण तुम्ह जिहेण उक्कंठाए कणिट्ठाणं आगमणं पडिक्खियं, महारज्जाभिसेगसमए तत्थ बंधुसंबंधिजण-मित्ताइणो सव्वे आगया भरहनरिंदस्स य रज्जाभिसेगमहं अकरिंसु / समागएहिं सवासवेहिं सुरेहिं पि अलाहि किंतु तुम्ह जेद्वबंधू महीणाहो पासम्मि अप्पणो कणीयसबंधुणो अपासंतो न हरिसेइ / दुवालससु वासेसु अणागयनियबंधुणो नच्चा, ताणं आहविउं नरं पेसित्था, जो उक्कंठा बलवई सिया। ते कंचि वियारं काऊणं भरहस्ससमीवम्मि न समागच्छित्था, किंतु तायपायाणं अंतिगे गंतूण पव्वज्ज गिहिंसु / संपइ तेसिं रागरहियाणं समणाणं न को वि अप्परो न वा परो, तेहिं राइणो बंधुव. च्छल्ल-कोउगं कहं पूरिज्जइ ?, जइ तुवावि तत्थ सुबंधुत्तणसंभवसिणेहो अत्थि, ता आगच्छसु, पुढविवइणो नियबंधुस्स हिययपमोअं देहि / दीहकालेण दिसाविजयं काऊण समागए जिट्ठवंधुम्मि वि जया एवं अच्छिज्जइ, तओ तुमं कुलिसाओ वि अहिंगं निठुरं अहं तक्केमि / गुरुणो अवमाणाओ निन्भएहितो वि निभए तुम्हे मण्णेमि, 'गुरुम्मि हि सूरेहि पि सभएहिं इव वट्टियव्वं' / एगत्थ वीसविजई अण्णहिं च गुरुम्मि विणयसंपण्णो, एत्थ को पसंसारिहो ? ति / अलाहि वियारेणं, पारिसज्जेहिं गुरुम्मि विणयसंपण्णो एव पसंसिज्जइ / एवं तुम्ह अविणयं पि सव्वंसहो नरिंदो सहिस्सइ, किंतु पिसुणाणं एवं निरंकुसो अवगासो सिया / तत्थ तुम्हाणं अभत्ति-पयासिगाओ पिसुणाणं गिराओ भरहनरिंदस्स चित्तं कंनियछंटाओ खीरं पिव सिस्संति, अप्पणो पहुम्मि अइअप्पं पि अप्पणो छिदं तं रक्खणीअं, जओ लहुणा वि छिद्देण जलं सेउं किं न उम्मूलेज्जा ?, इयंतकालं अहं न आगओ म्हि त्ति हिययम्मि आसंकं मा कुणसु, अहुणा 1 स्वतः / 2 कौतुकम / 3 पारिषद्यैः-सभ्यः /
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |