Page Text
________________ 128 सिरिउसहनाहचरिप पंकयमालेहिं पिव अच्चियं, पंचवण्णमणि-मिस्स सुवण्णालंकारकिरणेहिं अणुवमरूवपडागंकियमित्र सोहियाणणं, भोमग्गहकियं अंबरमिव कंचणकमलतिलगं, चामरुत्तंसमिसाओ अण्णे कण्णे धरंतं पिव, चक्कवहिस्स पुण्णेण आकड्ढियं इंदस्स वाहणं पिव, लालणाओ इत्र पडत-वंक-चलणे मुंचमाणं, अण्णरूवेण गरुलं पित्र, मुत्तिमंतपवण मिव खणेण जोयणसय-उल्लंघणे दिट्ठविक्रम, कद्दम- जल - पाहाण सक्करा-गइडाइ-विसम पएसाओ महाथली-गिरि-दरी-दुग्गाइ-थलाओ य उत्तारणक्खमं, ईसिं भूमिलग्गपायत्तणेण गयणमि संचरंतं पिव, धीमंत विणीयं पंचधाराजियस्समं कमलामोयनीसासं सक्खं जयं पिव नामेणं कमलावीलं तुरंगरायं आरोहेइ / तओ सो सेणावई दिग्यत्तणे पण्णासंगुलं वित्थारंमि सोलसंगुल बाहल्लंमि अड्डेंगुलं, सुवण्णरयणमइयेच्छरुं विमुत्तनिम्मोअ-पण्णगमिव कोसाओ निग्गयं, तिहधारं, बीयवज्ज पिव अइदिढं, विचित्तपुक्खर-पंति-फुडवण्णविराइयं कयंतो पत्तं पिव सत्तणं खयगरं खग्गरयणं गिण्हेइ / तेण खग्गरयणेण सो सेणाणी जायपक्खो नागराओ इव, सण्णद्धो केसरीव संजाओ। तत्तो चमूपई गयणमि विज्जुदंडमिव चवलं असिं भमाडंतो रणकुसलं तुरंगवरं पेरेइ, जलकंतमणी जलं पिव सत्तूणं बलं फाडितो तेण वाइणा सह समरंगणं पविसेइ / तया सुसेणसेणावइणा हणिज्जमाणा केवि अरिणो हरिणा इव तसेइरे, के वि ससगा विव पडिऊण नेत्ताइं निमीलिऊण चिट्ठति, अवरे खेयमावण्णा रोहियवच्छा इव उड्ढं चिठेइरे, अण्णे कविणो व्य विसमहाणं आरोहंति / केसिपि तरूणं पत्ताई विव सत्याई, कासइ समंतओ कित्तीओ इव आयपत्ताई पडेइरे, काणं पि मंतथंभिया उरगा इव तुरगा चिट्ठति, कास वि मट्टियामइया विव संदणा भंजिजंति, केयण नियं पि अपरिचियमिव न पइक्खंत्ति, नियनियपाणाई घेत्तूणं सव्वे मिलेच्छा उ दिसोदिसं• पलायंति, एवं जलपूरेण तरुणो विव सुसेणसेणावइणा फ्लोट्टिया तेयरहिया ते बहूई जोयणाई दूरं ववगच्छंति / ते वायसा इव एगत्थ संमिलिऊण खणं आलोइत्ताणं आउरा मायरं व सिंधुमहानइं गच्छंति, तीए नईए धुलीमइयतडंमि मयग-सिणाणुज्जया इव ते संमिलिऊण सिकैयाउक्केरेहिं संथरे किच्चा उवविसति / ते नगिणगा उत्ताणगा समाणा नियकुलदेवे मेहमुहप्पमुहनागकुमारे चित्ते काऊणं अट्ठमतवं विहेइरे। अहमतवपज्जते चक्कवट्टिस्स तेयभयाओ विव नागकुमाराणं आसणाई कंपेइरे, ते ओहिनाणेण तहटिए दुखिए मिलिच्छे दणं ताण दुक्खेण पिउच्च अदिया तत्थ अभिगंतूणं तप्पुरओ पाउब्भवंति, 'भो ! तुम्हाणं चित्तंमि अहुणा इच्छिओ को अट्ठो ? बवेह' एवं अंतरिक्खथिआ ते देवा . 1 चामरोत्तंसमिषात् / 2 गादि-। 3 गुहा / 4 कमलापीडं / 5 त्सरुः खङ्गमुष्टिः / 6 निर्मोकः सर्पचुककः। 7 कपयः। 8 पर्यस्ताः / 9 सिकतोत्करैः।
| SR No. | 004443 |
| Book Title | Siri Usahanahchariyam |
| Original Sutra Author | N/A |
| Author | Vijaykastursuri, Chandrodayvijay Gani |
| Publisher | Nemi Vigyan Kastursuri Gyanmandir |
| Publication Year | 1968 |
| Total Pages | 250 |
| Language | Sanskrit |
| Classification | Book_Devnagari |
| File Size | 6 MB |