________________ 68 बृहत्कल्पचूर्णिः॥ [पीठिका "तम्हा उ०" गाधा / तम्हा कप्पं णिक्खिविस्सामि, ववहारं णिक्खिविस्सामि, सुतं णिक्खिविस्सामि, खंधं णिक्खिविस्सामि, अज्झयणं निक्खिविस्सामि, उद्देसा णिक्खिविस्सामि / णिक्खिवितव्वं च जं जत्थ त्ति / अस्य व्याख्या कप्पस्स छव्विधो णिक्खेवोणामादि / जेण भणितं-'कप्प छक्वणिक्खेवो' / ववहारस्स चउव्विहो णिक्खेवो–णामादि / एतेसिं आदिल्लाणं दुण्ह वि, सट्ठाणं होइ णामणिप्फण्णे। अज्झयणस्स उ ओहे, उद्देसस्सऽणुगमे भणिओ // 255 // "आदिल्लाणं०" ति गाधा / सूत्रक्रमप्रामाण्यात् 'दोण्ह वि' त्ति कप्प-ववहाराणं 'सट्ठाणं'ति णिक्खेवा / छक्कग-चउक्कगा णामणिप्फण्णे त्ति णिक्खेवो / कप्पस्स पंचकप्पे, ववहारस्स पेढियाए / इयाणि सुयखंधे णिक्खेवो / एक्केक्के चउव्विहो होति इमो णामादि / णामसुयं ठवणसुयं, दव्वसुयं चेव होइ भावसुयं / एमेव होइ खंधे, पण्णवणा तेसि पुव्वुत्ता // 256 // "णामसुयं०" गाधा / एतस्स सुतस्स खंधस्स य पण्णवणा पुव्वपरूविया / आवस्सए अज्झयणस्स चउव्विहो निक्खेवो / ओहनिप्फण्णे भण्णिहिति / उद्देसगस्स वि उपोग्घातणिज्जुत्तिअणुगमे भण्णिहिति / 'कस्स'त्ति दारं गतं / इदाणि 'तद्दार'त्ति दारं / . कप्प-व्ववहाराणं ओहत्थो वणितो समासेणं / एत्तो एक्ककं पुण अज्झयणं वण्णतिस्सामि // 257 // .. तत्थ पढमं अज्झयणं कप्पो / तस्स चत्तारि अणुओगद्दाराणि भवंति / तस्स दाराणि तद्दाराणि / तस्येति कल्पस्य दाराणि अत्थमुहाणि उवक्कमादीणि / चत्तारि दुवाराइं, उवक्कम णिक्खेव अणुगम णया य / काऊण परूवणयं, अणुगम-णिज्जुत्ति सुत्तस्स // 258 // "चत्तारि" पुव्वद्धं / तं जधा-उवक्कमो णिक्खेवो अणुगमो णयो / एतेसिं चउण्हं वि परूवणा कातव्वा / जधा अणुओगदारे / जाव अणुगमस्स सुत्ताणुगमस्स णिज्जुत्तिअणुगमस्स य परूवणा कता पच्छद्धणं / एतं भेयद्दारं सूतियं / आह, कीस अणुओगद्दाराणि कताणि, कीस वा चत्तारि, एगं चेव सुंदरं दारं ? / अतो भण्णति-वच्छ ! जधा अद्दारगं अनगरं, एगद्दारे य होइ पलिमंथो / चउदारे तेण भवे, देसपएसे य छिडीओ // 259 //
