________________ भाष्यगाथा-१७३-१७७] भणितं-ण डज्झति त्ति / सेणियस्स चेल्लणाए पुव्वं अणणुयोगो / पुच्छिते अणुयोगो / एवं विवरीते परूविते अणणुयोगो, जधाभावे परूविते अणुयोगो भवति / 'णिक्खेवेत्ति दारं गतं ॥छ।। इदाणि 'एगट्ठियाणि' त्ति दारं, तं भणामि / अच्छउ ताव एतं / एगट्ठिएहिं को गुणो भणितेहिं ? उच्यते. बंधाणुलोमता खलु, सुत्तम्मि उ लाघवं असम्मोहो / सत्थगुणदीवणा वि य, एगट्ठगुणा हवंतेते // 173 // "बंधाणु०" गाधा / जाणि इच्छति अत्थपदाणि गाधादीहिं बंधिउं ताणि सुहं अण्णेणं अभिधाणेणं अपलोट्टेहोमाणे अण्णेणं बंधिस्सति, तेण य पल्लोट्टाभिहाणेणं बद्धं लघु सुत्तं भवति / असंमोहो य / जहा सक्को त्ति वा इंदो त्ति वा पुरंदरो त्ति वा / एवं एगट्ठिताणं एगतरगहणे वि असम्मोहो भवति / तदर्थसंप्रत्यय इत्यर्थः / 'सत्थ' त्ति तित्थकरा / तेसिं च गुणा दीविता भविस्संति / जहा एक्केक्कस्स दव्वस्स बहवे पज्जायनामे जाणंति / एते एगट्ठिताणं गुणा / आह-ट्ठिा एगट्ठितगुणा / पगतं भण्णतु / ताणि एगट्ठियाणि दुविहाणि सुत्तेगट्ठिताणि य अत्थेगट्ठिताणि य / तत्थ सुत्तेगट्ठिताणि इमाणि सुत सुत्त गंथ सिद्धंत सासणे आण वयण उवदेसो / पण्णवणमागमे त्ति य, एगट्ठा पज्जवा सुत्ते // 174 // "सुत सुत्त गं०" गाधा / तत्थ सुतं दुविहं-दव्वसुतं भावसुतं च / तत्थ दव्वसुतं वतिरित्तं / दव्वसुतं पत्तग-पुत्थएसु जं पढइ वा अणुवउत्तो / आगम-णोआगमतो, भावसुतं होति दुविहं तु // 175 // आगमतो सुतणाणी, सुतोवउत्तो य होति भावसुतं / सो सुतभावाऽणण्णो सुतमवि उवओगओऽणण्णं // 176 // __ "दव्वसुतं पत्तय०" पुव्वद्धं / कंठं / भावसुतं पि दुविहं-आगमतो णोआगमतो य। "आगमतो" गाधापुव्वद्धं / आह–केण कारणेण सुतणाणी सुंओवउत्तो भावसुतं भवति ? / उच्यते-“सो सुत०" पच्छद्धं / कंठं / जं तं दुसत्तगविधं, तमेव णोआगमो सुर्य होइ / सामित्तासंबद्धं, समितीसहियस्स वा जं तु // 177 // "जं तं दुसत्तग०" गाधा / णोआगमतो भावसुतं जं तं हेट्ठा भणितं चोद्दसविहं
