Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 67

बृहत्कल्पचूर्णिः // [ पीठिका वसहिं ण देहि त्ति एतेहिं य पवंचिओ होउ' त्ति तस्स घरं चिंधियं 'जहा एरिसो तारिसो सावगो' त्ति। ते गता पुच्छंता, दिट्ठो, जाव न चेव आढायति / तत्थ एगेण साहुणा भणियं-जति वि ण चेव एस सो, अहवा पवंचिया मो त्ति / तं सोऊणं तेणं पुच्छिता / तेहिं जहावत्तं कहियं / सो चितेति-अहो! अकज्जं, मए(मं) ताव पवंचेंति', साहुणो वि कहं २पवंचित त्ति / ताहे मा 'तेसिं समो होउ' त्ति तेणं भणितं३-देमि वसहिं जइ मम धम्म ण कहेह। साहूहि भणियं-एवं होउ त्ति / दिण्णं घरं। वासारत्ते वित्ते आपुच्छंतेहिं धम्मो कहिओ / तत्थ ण किंचि तरइ घेत्तुं मूलगुण-उत्तरगुणाणं, मधु-मज्ज-मंसविरति वा। पच्छा सत्तपइयं वयं दिण्णं-मारेउकामेणं जावइएणं कालेणं सत्त पदाणि ओसक्किज्जंति एवतियं कालं पडिक्खित्ता मारेतव्वं / 'संबुज्झिस्सइ' त्ति दाउं गया साहुणो / अण्णता ५चोरियाए गतो / अवसउणेणं णियत्तो रत्तिं सणियं घरं एति / तद्दिवसं च तस्स भगिणी आगएल्लया पुरिसणेवत्थं काउं भाउज्जाइयाए समं गोज्जपेच्छिता गता। तओ चिरेण आगयाओ णिद्दक्वंताओ तहेव एगम्मि सयणे सयिताओ / इयरो य आगओ ताओ पेच्छति / 'परपुरिसो'त्ति असिं उक्करिसित्ता 'आहणामि'. त्ति ववसिओ / वयं संभरियं / ठिओ 'सत्तपयंतरं अच्छामि' त्ति / एयम्मि अंतरे भगिणीए बाहा भज्जाए अक्कंतिया / ताए दुक्खाविज्जंतीए भणियं अवणेहि मे बाहातो सीसं / तेण सरो सण्णाओ / भगिणी मे एसा पुरिसणेवत्थिय त्ति / दिट्ठा / लज्जिओ जाओ 'अहो मणेणं अकज्जं कतं' ति / उवणओ जहा सावगभज्जाए / संबुद्धो / विभासा, पव्वतिओ ॥छ। [कोंकणदारग-] कोंकणगविसए एक्को दारगो / तस्स माता मता / पिया से अण्णं महिलं ण लभति 'सवत्तिपुत्तो अच्छइ' त्ति काउं / अण्णता सपुत्तओ कट्ठाणं गओ / ताहे.णेणं चिंतितं-एतस्स तणएणं महिलियं न लभामि / मारेमि त्ति / कंडं लंखियं / पुत्तो भणिओ-वच्च, कंडं आणेहि। सो पहाविओ अण्णेणं कंडेणं विद्धो / दारएण लवितं-किं ति कंडं खित्तं ? विद्धो मि। पुणो वि खित्तं, रडंतो मारिओ / 'पुव्वं अयाणंतेणं विद्धो मि' त्ति अणणुयोगो, 'मारिज्जामि' त्ति एवं णाए अणुओगो / अहवा 'सारक्खणिज्ज' मारेमि' त्ति अणणुओगो, सारक्खंतस्स अणुओगो / जधा सारक्खणिज्जं मारेंतो विवरीयं करेति / एवं अण्णम्मि परूवितव्वे अण्णं परूवेमाणस्स विपरीतत्वादननुयोगो भवति / जहारूवं परूवेमाणस्स अणुतोगो भवति / ॥छ।। 1. पवंचंतु पा० 1 / 2. पवंचेति त्ति पू० 2, पा० / 3. पवंचितत्ति मासातो तेणं भणितं पू० 12, पा० / 4. पू० 1-2, पा० प्रतिषु नास्ति / 5. चोरेउं पू० 2 / 6. ०त्ति लंखियं पू० 2 / कंडं खित्तं पा० / 7. जधाभूतं पू० 1-2, पा० /