Page Text
________________ भाष्यगाथा-१७१-१७२] 45 भणितो य-एरिसे भण्णति-अच्वंतवियोगो भे भवतु एरिसेणं / अण्णत्थ विवाहे भणति'अच्चंतवियोगो भे भवतु एरिसेणं, तत्थ वि हतो / सब्भावे कधिते भणितो-एरिसे भण्णति-णिच्चं एरिसगाणि पेच्छंतया होध, सासतं च भवतु एयं / अण्णत्थ नियलबद्धयं दंडियं दटुं भणति–'णिच्चं एरिसाणि पेच्छंतया होध सासयं च एयं भे भवतु' / तत्थ वि हतो / सब्भावे कधिते मुक्को / गंतुं एगस्स खउलयस्स अल्लीणो तं सेवंतो अच्छति। अण्णया दुभिक्खे तस्स खउलयस्स अंबिलजाऊ सिद्धेल्लिया भज्जाए / सो ताए भणिओजाहि, महाजणमज्झातो सद्दावेहि, सीयला अचोक्खा 'जाऊ' / तेण गंतुं भणितोसीयलीहोति किर अंबिलजाऊ / लज्जितो जातो / घरं गतेण अंबाडितो भणितो य'एरिसकज्जे सणियं कण्णे कधेज्जति / ' अण्णया गिहं पलित्तं / ताधे गंतुं सणियं सणियं कधेति, जाव सो तस्स अक्खायति ताव घरं सव्वं झामितं / तत्थ वि अंबाडितो भणितो य-एरिसकज्जे ण 'वि आगम्मति अक्खाएहिं अप्पणा चेव पाणिएण वा आतिं काउं गोरसो विच्छुब्भति / अंबिली वि पल्हत्थिज्जति / जधा तधा विज्झातु त्ति। अण्णता पलित्ते तेल्लादिणो विच्छुभति। पाणिए अविज्जमाणे वत्थेसु वा धूविजंतेसु। एवं जो अण्णम्मि कहेयव्वे अण्णं चेव कहेति तस्स अणणुओगो भवति / सम्मं कहिज्जमाणे अणुतोगो भवति / भावस्स अणुओगो य अणणुओगो य भवति / तत्थ इमे सत्त उदाहरणा भवंतिसावगभज्जा सत्तवतिए य कुंकुणगदारए णउले / कमलामेला संबस्स साहसं सेणिए कोवे // 172 // "सावगभज्जा०' गाधा / एगो सावओ, अण्णमहिलं दटुं अज्झोववण्णो दुब्बलीभवति / भज्जाए पुच्छिओ। णिब्बंधे सिटुं / ताए भणियं-आणेमि त्ति / सा ताए अविरइयाए तणएहिं वत्थेहि अप्पाणं णेवत्थेत्ता अंधगारे अल्लीणा / अच्छिओ। पच्छा बितितदिवसे अद्धिति पकओ 'वतं खंडियं' ति / ताए भणियं-मा अद्धिति करेहि / न खंडिज्जति / सो ण पत्तिज्जइ। ताहे साभिण्णाणं पत्तियावियो / एवं जो ससमयवत्तव्वयं परसमयवत्तव्वयं ति भणति, ओदतियभावलक्खणेणं उवसमियभावलक्खणं परूवेति ताहे अणणुयोगो भवति / सम्म परूविज्जमाणे अणुयोगो भवति ॥छ। सत्तपदिओ एगम्मि. पच्चंतगामे एगो ओलग्गयमणूसो / साहु-माहणादीणं न सुणेति न वा अल्लियति न वा वसहिं देति 'मा मम धम्मं कहेहिति' त्ति / तो हं मा सदयो होहामि त्ति। अण्णता तं गामं साहुणो आगता पडिस्सयं मग्गंति / ताहे सो गोट्ठिल्लएहिं 'एतेसिं 1. सीयला अजोग्गा मु० /
| SR No. | 004440 |
| Book Title | Bruhatkalp Sutram Pithika Part 01 |
| Original Sutra Author | N/A |
| Author | Sheelchandrasuri, Rupendrakumar Pagariya |
| Publisher | Prakrit Granth Parishad |
| Publication Year | 2008 |
| Total Pages | 250 |
| Language | Sanskrit |
| Classification | Book_Devnagari & agam_bruhatkalpa |
| File Size | 20 MB |