Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 63

बृहत्कल्पचूर्णिः॥ [पीठिका "अहवा आयारादिसु०" गाधा / अहवा भावेसु वि अणुओगो भवति चेव / कधं ? आयारादिसु दुवालससु अंगेसु जे भावा तेसु अणुओगो भवति / अधवा सामित्तमासाद्य उदइयादिभावजुत्ते पुरिसम्मि अणुओगो / जो उदइयादिभावजुत्तो अणुओगं कधेति, बहुसु वा पुरिसेसु / किंणिमित्तं ? जीवस्स खणे खणे अण्णोण्णपरिणामो भवति / आह-एतेसिं दव्वखेत्त-काल-भावाणं अन्नोन्नम्मि समोतारो अत्थि, णत्थि ? उच्यते / अत्थि / कधं ? दव्वे णियमा भावो, न विणा ते यावि खित्त-कालेहिं। खेत्ते तिण्ह वि भयणा, कालो णियमा उ तीसुं पि // 169 // "दव्वे णिय०" गाधा / दव्वे ताव णियमा भावो अत्थि / जीवदव्वे उदइयादिणो भावा / अजीवदव्वे वण्णादिणो / ते य दव्वभावा "न विणा" खेत्त-कालेहिं भवंति / खेत्ते पुण दव्व-काल-भावा होज्जा वा न वा / एतेसु पुण दव्व-खेत्त-भावेसु णियमा कालो भवइ / आह-कधमेतदवगंतव्यम् ? इत्युच्यते आधारो आधेयं, च होति दव्वे तधेव भावे य। खेत्तं पुण आधारो, कालो णियमा उ आधेयो // 170 // "आधारो०" गाधा / तत्थ दव्वं आधारो भावस्स / अओ दव्वे णियमा भावो भवति / आधेयं पुण खेत्ते / कालो य तम्मि चेव आधेयो / आधारो भावो कालस्स आधेयो पुण 'दव्वे। जम्मि य दव्वं खेत्ते अवगाढं तदवगाढो भावो वि / तदविभागो त्ति काउं / अतो ण विणा ते यावि दव्वभावा / खेत्त-कालेहिं खेत्ते तिण्ह वि भयण त्ति / खेत्ते दव्वमत्थि वा ण वा / अलोगे णत्थि कालो वि, समयखेत्तातो ३वहिता णत्थि / भावो वि अलोगे चेव णत्थि / "कालो णियमा तु तीसुं पि" त्ति / समयखेत्तमधिगिच्च वच्छग गोणी खुज्जा, सज्झाए चेव बहिरउल्लावे। ' गामिल्लए य वयणे, सत्तेव य हुंति भावम्मि // 171 // "वच्छग गोणी०" गाधा / एतेसि दव्वादीणं अणुओगाणं एक्केकस्स अणुओगो य भवति अणणुओगो य / अणुओगो नाम जहाऽवत्थियस्स भावस्स जा पण्णवणा / तव्विवरीतो अणणुओगो / एत्थ अणुओगे य अणणुओगे य उदाहरणाणि भवंति / तत्थ दव्वस्स अणुओगे इमं उदाहरणं वच्छग-गोणी / दोहओ जति जं पाडलाए वच्छगं तं बाहुलाए मुयति, बाहुलेरं वा वच्छगं पाडलाए मुयति तो अणणुयोगो भवति / तस्स य दुद्धकज्जस्स य अप्पसिद्धी भवति / एवमिहावि जति जीवलक्खणेणं दोहयत्थाणीओ साधू अजीवं परूवेति, 1. दव्वो पा० पू० 1 / 2. तदभागो पू० 1 / 3. बहिः / 4. असिद्धी भ० पू० 1 / .