________________ भाष्यगाथा-१५९-१६८] "कालम्मि०" पुव्वद्धं / काले बितियाए पोरिसीए अणुओगो कथ्यते / कालेसु ओसप्पिणीए तिसु, सुसमदुस्समाए पच्छिमे भागे दुस्समसुसमाए दुस्समाए त्ति / उस्सप्पिणीए दोसु दुस्समसुसमाए सुसमदुस्समाए य / वयणस्सेगवतादी, वयणाणं सोलसण्हं तु // 164 // "वयण" पच्छद्धं / एगवयण-दुवयणादीणं एगतरस्स अणुओगो / जधा-एरिसं एगवयणं / वयणाणं अणुओगो-सोलसण्हं वि वयणाणं / वयणेणाऽऽयरियादी, एक्केणुत्तो बहूहि वयणेहिं / वयणे खओवसमिए, वयणेसु तु णत्थि अणुयोगो // 165 // "वयणे०" गाधा / वयणेणं अणुओगो जधा-कोइ आयरिओ केणति आयरिएण वा भिक्खुणा वा सावएण वा भणितो-'अणुओगं कधेहि, इच्छक्कारेणं वयणेहिं' / बहूहिं आतरियादीहिं कोइ आयरिओ भणितो-'अणुओगं कधेहि' / उक्त इति भणितो, बहूहिं भणित इति वाक्यशेषः / अधवा वयणेणं आयरियादीणं पंचण्हं अन्नतरेणं एगेणं वयणेणं उत्तो अणुओगो / जधा-समभावः सामायिकमित्यादि / वयणेहिं बहूहिं / वयणे खओवसमिए अणुओगो वट्टए / वयणेसु नत्थि- अणुओगो / भावस्सेगतरस्स उ, अणुयोगो जो जहट्ठिओ भावो। दोमातिसण्णिकासे, अणुयोगो होति भावाणं // 166 // "भावस्से०" गाधा / भावस्स अणुओगो / उदतियादीणं भावाणं एगतरस्स भावस्स जधावत्थाणकहणं / भावाणं अणुओगो दुगमादीणं भावाणं "सन्निकासे' त्ति संजोगो / जत्तिया भंगा भवंति, तेसिं जो अणुओगो।। भावेण संगहादी-अण्णयरेणं दुगातिभावेहिं / भावम्मि खओवसमे, भावेसु तु णत्थि अणुयोगो // 167 // "भावेण०" गाधा / भावेणाणुओगो जधा-"पंचहि ठाणेहिं सुयं वाएज्जा / तं जहासंगहट्ठयाए एवमादि" (स्था० ५-३-सू० 468) / एतेसिं जो जेणं भावेणं अणुओगं कधेति सो भावेणं अणुओगो भवति / भावेहि अणुओगो-एतेहिं चेव दुग-तिग-चउक्क-सव्वेहिं वा अणुओगं कधेति सो भावेहि अणुओगो / भावम्मि खयोवसमिए अणुओगो वट्टते / भावेसु णत्थि अणुयोगो / अधवा आयारादिसु, भावेसु तु एस होति अणुयोगो। सामित्तं आसज्ज व, परिणामेसुं बहुविहेसुं // 168 //
