________________ भाष्यगाथा-१२२-१३२] अहवा मीसं सम्मं वा कोति संकमति, मीसाओ वा सम्मं, गुणवुड्डी / अस्य व्याख्या. मिच्छत्ता संकंती, अविरुद्धा होति सम्म-मीसेसु / मीसातो वा दुण्णि वि, ण उ सम्मा परिणमे मीसं // 127 // "मिच्छत्ता संकंती०" गाहा / कंठा / हायतो मिच्छं ति / अस्य व्याख्याहायंते परिणामे, ण कणति मीसे उपोग्गले सम्मे / ण य सोहिया सि विज्जति केई जे दाणि वेएज्जा // 128 // सम्मत्त-पोग्गलाणं, वेदेउं सो य अंतिमं गासं / पच्छाकडसम्मत्तो, मिच्छत्तं चेव संकमति // 129 // "हायंते परिणामे०" गाहाद्वयम् / कंठं / आह, मिच्छादसणी सम्मत्तं संकेतो? तस्समतं कति णाणाणि लभेज्जा ? उच्यते-तिण्णि वा, दोण्णि वा / यस्मादुक्तम् विब्भंगी उ परिणमं, सम्मत्तं लहति मति-सुतोहीणि / तइभावम्मि मति-सुते, सुतलंभं केइ उ भयंति // 130 // "विन्भंगी तु परिणामं०" गाहा / सुतलंभं केति उ भयंति / कधं ? जहासयंभुरमणे मच्छा / तेसिं पडिमासंठिए मच्छे उप्पलाणि वा पासित्ता सम्मत्तमुप्पज्जइ / तेसिं च ईहापूहादि करेंताणं आभिणिबोहियमत्थि, सुतं अणधीतं कतो? एत्थ अम्हे भणामो–ण होति २एतं / कहं ? जेण भणियं अण्णाण मती मिच्छे, जढम्मि मतिणाणतं जहा एइ। ... एमेव य सुयलंभो, सुयअण्णाणे परिणयम्मि // 131 // "अन्नाण मती०" गाहा / जति तस्स तं सुतअण्णाणं अच्छति तो मिच्छादिट्ठी, अह ण अच्छति तो सिद्धंतविरोधो / जेण भणियं-"जत्थाभिणिबोहियणाणं तत्थ सुयणाणं" / एकतरं पि विसंजुत्तं णत्थि / आह-सव्वमेव दुवालसंगं गणिपिडगं मिच्छत्तपरिग्गहियं होज्जा? उच्यते-न / चोद्दस दस य अभिण्णे, णियमा सम्मं तु सेसए भयणा। मति-ओहिविवच्चासो, वि होति मिच्छे ण उण सेसे // 132 // "चोद्दस दस य०" गाहा / जाव दसपुव्वाणि अभिण्णाणि, संपुण्णाणीत्यर्थः / ताव नियमा सम्मं / सेसे भयण त्ति / दसपुव्वाणि ऊणाणि आदि कातुं आरेणं सम्मं वा होज्ज मिच्छं - 1. संकमंतो पू० 1 / 2. एतं एवं पा० पू० 1 / 3. सुतं अ० पू० 2 / 4. नन्दीसूत्रे सू० 44, म० जै० वि० आवृत्ति, पृ० 19, सं० मुनि पुण्यविजयजी /
