________________ भाष्यगाथा-२९-३८] 13 वण्णादि / तमिति खेत्तं ण पेच्छति / यस्मादुक्तम्-"रूपिष्ववधेः" (तत्त्वार्थ० 1-28) तच्चारूवि खेत्तं अतो ण पेच्छति / "काले णाणं भइयं''ति / कालमरूवि त्ति काउं ण पेच्छति / जम्हा पुण को सो कालो दव्वं विणा ? जं भणियं-दव्वस्स चेव सो पज्जाओ। ओहिण्णाणीयो दव्वस्स पज्जवे असमत्ते जाणति / अओ कालं दव्वस्स पज्जवभूयं जाणति / अतश्च सफला कालज्ञाने भजना / भावओ अणते भावे जाणइ पासइ सव्वभावाणं अणंतभागं। एवं ओधी खेत्तपरिमाणे आदि काउं सव्वगाहाओ वक्खाणेयव्वाओ / भणियं ओहिनाणं // छ॥ मणपज्जवणाणं केरिसं ? भण्णइतं मणपज्जवणाणं, जेण वियाणाइ सण्णिजीवाणं। दुटुं मणिज्जमाणे, मणदब्वे माणसं भावं // 35 // "तं मणपज्जव०" गाहा / ते दव्वे मणिज्जमाणे दटुं तेहिं जे भावा मणिज्जंति ते जाणति / कहं.? भण्णति जाणति य पिहुजणो वि हु, फुडमागारेहिँ माणसं भावं / एमेव य तस्सुवमा, मणदव्वपगासिए अत्थे // 36 // "जाणति य पिहु०" गाधा / पृथु विस्तारे बहुजण इत्यर्थः / एस एगदेसेण उवमा कता / तं पि दव्व-खेत्त-काल-भावेहिं विभासियव्वं / ॥छ। इयाणि केवलणाणं / केवलं प्रतिपूर्णमित्यर्थः / तं कहमुप्पज्जइ ? भण्णइपंकसलिले पसाओ, जह होइ कमेण तह इमो जीवो। आवरणे झिज्जंते, विसुज्झए केवलं जाव // 37 // "पंकसलिले०" गाहा / "कमेण" नाम अपूर्वकरणादनिवृत्तिकरणमारभ्य जाव चरिमसमए पंचविहं णाणावरणं, चउव्विहं दंसणावरणं, पंचविहं अंतरायं, चोद्दसेताओ कम्मपगडीओ खवेऊण केवलमुप्पाडेति / तं पि दव्वादीहिं विभासियव्वं / तस्स य इमाणि एगट्ठियाणि / दव्वादिकसिणविसयं, केवलमेगं तु केवलण्णाणं / अणिवारियवावारं, अणंतमविकप्पियं णियतं // 38 // "दव्वादिकसिणविसयं०" ति गाधा / 'दव्वादिकसिणविसयं' ति वा, 'केवलं' ति वा, ‘एगं' ति वा, 'केवलणाणं' ति वा, 'अणिवारियवावारं' ति वा, अविरहिओवओगमित्यर्थः / 'अणंतं' ति वा ज्ञेयं प्रति, 'अविकल्पितं' ति वा निर्भेदं हीनोत्कर्षत्वं
