Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 225

204 बृहत्कल्पचूर्णिः // [पीठिका णच्चति / णच्चित्ता य गच्छति / अण्णता सो वाणमंतरो पुलिंदेण समं बोल्लेति / धम्मितो य आगतो / रुट्ठो चिंतेति-अहं सुइएण अच्चणं करेमि, एस असुइणा, तह वि एस जहण्णो एतेण समं बोल्लेति / णूणं एस वि असूइओ चेव / वाणमंतरेण भणितं-सच्चं, तुमं ममं सेवसि। जारिसो उण एतस्स ममोवरि बहमाणो तारिसो तुधं णत्थि / कधं? कल्ले पेच्छाहि। पभाताए रतणीए वाणमंतरेणं एवं अप्पणो अच्छि णिद्दारितं / पुलिदेण दिटुं / रुट्ठो 'केणं?' ति / ताधे चिंतेति-मम सामिस्स एगं अच्छि, मम दोण्णि, ण जुत्तं / अप्पणयंऽणेण अच्छि ३णिड्डारित्ता लातियं / वाणमंतरेण धम्मिओ भण्णति-किध ? पेच्छसि एतस्स बहुमाणं ? ताधे णेण पडिलाइयं पुलिंदस्स / धम्मितस्स भत्ती, पुलिंदस्स बहुमाणो / एस भत्ति-बहुमाणाणं विसेसो। दोसु वि एत्थ अधिकारो / भत्तिबहुमाणे ण करेति ह्व। उवउत्तो अणण्णमणसो सो उग्गिण्हति / किं चान्यत् अभिकंखंतेण सुभासियाइँ वयणाइँ अत्थमहुराई। विम्हियमुहेण हरिसागएण हरिसं जणंतेण // 807 // "अभिकंखंतेण०" गाधा / केरिसाणि सुभासिताणि ? / उच्यते-वयणाणि अत्थ महुराणि / एतेण उवदेसेण सुणमाणस्स विम्हय-हरिसा जायंति / ते य तस्स सोतारस्स णयणमुहेसु पासति कधओ, तं च पासित्ता आयरियस्स हरिसो जायति / एरिसगुणजुत्तस्स सीसस्स आधारित सुत्तत्थो, सविसेसो दिज्जए परिणयस्स। . सुपरिच्छित्ता य सुणिच्छियस्स इच्छागए पच्छा // 808 // "आधारित" गाधा / जो जेहिं आयरिएहिं आधारितो / सविसेसो णाम सापवादो। सुट्ठ परिच्छित्ता सापवादो सूत्रस्य अर्थो दीयते / सुणिच्छितस्स त्ति सुत्तत्थे घेत्तव्वे भद्रबाहोरपि। णाणादीणं च अविराधणाए सुट्ट णिच्छितो जो, तस्स सविसेसो दातव्यो / 'इच्छागए पच्छ' त्ति। अपरिणामग-अतिपरिणामगदुगस्स पुण ४जता सा अप्पणिता 'इच्छागत' त्ति नट्ठा भवति, तदा छेदसुत्ताणि दिज्जंति / 'परिसा य'त्ति दारं गतं / एवं णिक्खेवाणुओगद्दारस्स लक्खण-तदरिहपरिस त्ति तिण्णि पसंगदाराणि समत्ताणि / से तं णिक्खेवत्ति / कल्पचूां पीठिका परिसमाप्ता / 1. तव पू० 1-2 / 2. ०च्छि निड्डोरितं पू० 1 / णिड्डोलितं पू० 2 / 3. णिड्डोरेत्ता पू० 1-2 / 4. अत्थसाराणि पू० 1 / 5. जाता या० पा० /