________________ 113 भाष्यगाथा-४१६-४२३] पढिते य कहिय अहिगय, परिहरति वियारकप्पितो सो उ। तिविहं तीहि विसुद्धं, परिहर णवगेण भेदेणं // 418 // "पढिते य०" गाधा। जाधे पढितं सुत्तं, कधितं अत्थओ, अभिगतं णाम सद्दहति / जति य परिच्छिज्जमाणो परिहरति / परिच्छा जधा णिसीधे / तं पुण जति कधं परिहरति ? उच्यते'तिविधं' ति-सच्चित्तं, मीसयं, अचित्तं / अणावात-असंलोगवज्जेसु उवरिमेसु भंगेसु, जं तं मणेणं ण गच्छति 1, ण गच्छावेति 2, गच्छंतं णाणुजाणति 3 / एवं वायाए वि 3 / काएण वि 3 / एते णव चेव भेदा / जं अचित्तं तं पि 'आवात-संलोगदोसोत्ति काउं परिहरिज्जति / भेदा सोहि अवाया, वज्जणया खलु तहा अणुण्णा य / कारणविही य जयणा, थंडिल्ले होंति अहिगारा // 419 // "भेदा सो०" गाधा / 'भेद'त्ति तस्स अचित्तथंडिल्लस्स इमे तिण्णि पंथा अचित्तेण अचित्तं, मीसेण अचित्त छक्क मीसेण / सच्चित्त छक्कएणं, अचित्त चउभंग एक्कक्के // 420 // अचित्तेण पंथेण अचित्तं थंडिलं गच्छेज्जा / मीसेणं पंथेणं अचित्तं थंडिलं गमेज्जा। :: केण मीसएण? इति चेदुच्यते-छक्कायमीसएणं / सचित्तेणं पंथेण अचित्तं थंडिलं गमेज्जा, सो पुण पंथो छक्काएहिं सचित्तो होज्जा / 'अचित्तं 'ति अचित्तं थंडिलं गमेज्जा / एवं मीसयस्स वि तिण्णि पंथा / सचित्तस्स वि तिण्णि पंथा / 'चउभंग एक्कक्के' ति / एतेसिं अचित्त-मीससचित्ताणं एक्ककं चउप्पगारं इमं अणवातमसंलोए, अणवाए चेव होति संलोए। आवायमसंलोए, आवाए चेव संलोए // 421 // "अणावात०" गाधा / एतेसिं पढमं अणुण्णातं, सेसाणि पडिकुट्ठाणि / णिग्गंथीणं ततियं अणुण्णातं / एत्थं च चउत्थं थंडिल्लं वक्खाणेति / आवातं संलोगं च, तं च आवातं संलोगं वा इमेसि होज्जा तत्थाऽऽ-वायं दुविहं, सपक्ख-परपक्खतो उणायव्वं / दुविहं होइ सपक्खे, संजय तह संजतीणं च // 422 // "तत्थावायं०" गाधा / कंठा / परपक्खो निहत्था / .. संविग्गमसंविग्गा, संविग्ग मणुण्ण एतरा चेव / असंविग्गा वि य दुविहा, तप्पक्खिय एयरा चेव // 423 // 1. गच्छेज्जा पू० 1 / 2. चउभंगो, पू० 2 /
