________________ भाष्यगाथा-३९९-४०९] 109 "तिविधो बहु०" गाधा / जहण्णओ बहुस्सुओ आयारपकप्पधरो / 'आयारप्पकप्पो 'त्ति, णिसीहं कप्पे त्ति / मज्झिमो कप्पववहारधरो / उक्कोसो णवम-दसमपुव्वधरो / इयाणि 'चिरपव्वतिए 'त्ति दारं / सो वि चिरपव्वतितो तिविधो, जघण्णतो मज्झिमो य उक्कोसो। तिवरिस पंचग मज्झो, वीसतिवरिसो य उक्कोसो // 405 // "चिरपव्व०" गाधा / तिवरिसपव्वतितो जहण्णओ चिरपव्वतिओ / पंचवरिसपव्वतिओ मज्झिमओ चिरपव्वतितो / वीसवरिसपव्वतिओ उक्कोसो चिरपव्वतितो / बहुसुत चिरपव्वइओ, उ एत्थ मज्झेसु होति अधिगारो। एत्थ उ कमे विभासा, कम्हा उ बहुस्सुओ पढमं // 406 // "बहुस्सुय०" गाधा / एत्थ जो मज्झिमो बहुस्सुओ, जो य मज्झिमो चिरपव्वतितो तेधि अहिगारो / आह-कम्हा बहुस्सुओ पढमं ति ? पढमं ताव पव्वज्जा भवति, ततो 'सुतं, तओ केण कारणेणं बहुस्सुतस्स पुव्वणिवातणं कतं / अत्र क्रमे विभाषा करणीया / २क्रियताम् / उच्यते-जो बहुस्सुतो सो णियमा चिरपव्वतिओ भवति / जेण तिवरिसस्स णिसीहं उद्दिसति / पंचवरिसपव्वतितस्स कप्प-ववहारा, वीसतिवरिसस्स दिट्ठिवातो / इदाणि 'कप्पिए' त्ति दारं / सो दुवालसविधो इमो१. सुत्ते अत्थे तदुभय, उव्वट्ठ विचार लेव पिंडे य / सिज्जा वत्थे पाए, उग्गहण विहारकप्पे य // 407 // "सुत्ते अत्थे०" पडिदारगाधा / तत्थ सुत्तकप्पिओ इमो सुत्तस्स कप्पितो खलु, आवस्सगमादि जाव आयारो। तेण पर तिवरिसादी, पकप्पमादी य भावेणं // 408 // "सुत्तस्स०" गाधा / आवस्सयं आदि काउं जाव आयारो / एत्थ ण कोइ विरुज्झति / परेणं तिवरिसमादि काउं जं जं ववहारे भणितं तं तं तधा उद्दिसति जाव वीसतिवरिसे सव्वसुत्ताणुवाती भवति / णवरं आयारपकप्पमादि काउं जे अववायबहुला अज्झयणा, जे वा अतिसेसिता, ते जता भावेण परिणओ भवति, ३अधिकारि त्ति भणितं होति, तदा उद्दिस्संति / आह-तिसु वरिसेसु अपुण्णेसु आयारे पढिए किं करेउ ? उच्यते सुत्तं कुणति परिजितं, तदत्थगहणं पइण्णगाइं वा। इति अंगऽज्झयणेसुं होति कमो जाहगो णायं // 409 // 1. सुत्तं पा० / 2. क्रियते पू० 2 / 3. अविकारि पू० 2 /
