________________ 102 बृहत्कल्पचूर्णिः // [ पीठिका "जे खलु०" गाधा / छक्कोडिसुद्धं नाम सभावेण चेव जं सुद्धयं छसु दिसासु / . इयाणि 'दुब्वियड्डियाकिंचिम्मत्तग्गाही, पल्लवगाही य तुरियगाही य / दुवियड्डगा उ एसा, भणिया परिसा भवे तिविहा // 371 // णाऊण किंचि अण्णस्स जाणियव्वे ण देति ओगासं / ण य णिज्जितो वि लज्जति, इच्छति य जयं गलरवेण॥३७२॥ ण य कत्थइ णिम्मातो, ण य पुच्छति परिभवस्स दोसेण / वत्थी व वायपुण्णो, फुट्टति गामिल्लगवियड्ढो // 373 // "किंचिम्मत्तग्गा०" गाधात्रयम् / कंठं / गामेल्लएसु विदग्धो गामेल्लगविदड्ढो / सो केरिसो ? उच्यते दुरधि( धी )तविज्जो पच्चंतनिवासो वावदूक कीकाको। खलिकरण भोइपुरतो, लोगुत्तर पेढियागीते // 374 // "दुरधि( धी)तवि०" गाधा / जधा-एगो वागरणसुत्ताणि दरपढियाणि काउं पच्चंतं गंतुं भणति-अहं वैयाकरणो / तत्थ सो गामेल्लएहिं आभीरएहिं परिग्गहितो / वित्ती से कता। एवं सो तत्थ सुहं णिवसति / अण्णदा तत्थ एगो वावदुगो पंडित इत्यर्थः, पोत्थगभारेण चट्टेहिं परिवुडो आगतो / तेहिं पच्चंतिएहि ते तस्स सीसा पुच्छिता–को एस ? तेहिं भणितंवइयाकरणो / ते पच्चंतिया भणंति-अम्ह वि अत्थि वागरणो / बोल्लाबोल्ली होतु त्ति पडिस्सुते, दुरधीतविज्जेण भणितं-काको कधं भण्णति ? / वाकरणिणा भणितं-काकः / ताहे दुरधीतविज्जो भणति-अण्णो वि लोगो काकमेव भणति / को विसेसो वागरणस्स ? अहं भणामि क्रीकाकः / गामेल्लएहिं हसितं उक्किट्ठी त कता / 'अम्हं वागरणेणं पराजितो' त्ति / पच्छा सो वागरणी पओसमावण्णो णगरं गंतुं जस्स भोइयस्स सो गामो तेण कड्ढावेत्ता तस्स पुरओ खलीकरेत्ता ततो गामातो णिच्छुब्भावितो / एवमेव लोउत्तरो वि / कोति कस्सति आयरियस्स सीसो किंचि पेढियामेत्तं सिक्खितुं एगाणिओ पच्चंतणगरं गंतुं अण्णे अगीयत्था(त्थे?)द्रावेति, अकरणिज्जाणि य करेति, अपच्छित्ते य पच्छित्तं देति, ण य अण्णं पुच्छति पूयासक्कारगारवेणं / पच्छा अण्णे गीतत्था आगता / तेहिं द्रावितो, पच्छित्तं च से दिण्णं / दिसा य से हरिया / जे एरिसा पुरिसा सा दुव्वितड्ढिया परिसा // 1. दुद्दिड्डिया पू० 2 / 2. विज्जेण भणितं पा० / 3. उक्कुट्ठी पू० 1, पा० /
