Bruhatkalp Sutram Pithika Part 01

SR No.: 004440
Original Sutra Author: N/A
Author: Sheelchandrasuri, Rupendrakumar Pagariya
Publisher: Prakrit Granth Parishad
Publication Year: 2008
Total Pages: 250
Language: Sanskrit
Classification: Book_Devnagari & agam_bruhatkalpa
File Size: 20 MB

Page 115

94 बृहत्कल्पचूर्णिः // [पीठिका "वुढे वि०" गाधा / जधा-कण्हभूमीए दोणमेहे वि वुढे जं जत्थ पडति तं तत्थेव पविसति अण्णत्तो ण पलोदृति / एवं जो जत्तियं भासिज्जति तं सव्वं गेण्हति / एरिसे गहणधारणसमत्थे दातव्वं / अव्वोच्छित्तिं काहिति सो / इयाणि 'कुडो 'ति दारं भाविय इयरे य कुडा, पसत्थ-अपसत्थभाविता दुविधा। पुप्फादीहिँ पसत्था, सुर-तिल्लादीहि अपसत्था // 341 // वम्मा य अवम्मा वि य, पसत्थवम्मा य हुंति अग्गिज्झा। अपसत्थअवम्मा वि य, तप्पडिवक्खा भवे गेज्झा // 342 // कुप्पवयण-ओसण्णेहिँ भाविता एवमेव भावकुडा / संविग्गेहिँ पसत्था, वम्माऽवम्मा य तध चेव // 343 // "१ते भावित०" गाथात्रयम् / कुडा दुविधा-भाविता अभाविता य / जे भाविता ते पसत्थभाविता य, अप्पसत्थभाविता य / जे पसत्थभाविता ते २पुप्फादीहिं / आदिग्रहणात् गंधेहिं कप्पूरेणं / जे अप्पसत्थभाविता ते सुराए तेल्लेणं, आदिग्गहणेणं वसादीहिं। तत्थ जे पसत्थाऽपसत्थभाविता ते एक्केक्का-वम्माः य अवम्मा य / वम्मा नाम जे तं भावं 'सक्केंति छड्डावेतुं, इयरे अवम्मा / एत्थ जे पसत्थभाविता वम्मा, जे. यं अपसत्थभाविता अवम्मा, एते ५अगेज्झा / 'तप्पडिवक्ख'त्ति, जे पसत्थभाविता अवम्मा, जे य अघसत्थभाविता वम्मा ६एतेपि ग्राह्याः, कुडा इति घडा / एते दव्वकुडा / एवं चेव भावकुडा सीसा ते दुविधाभाविता य अभाविता य / जे भाविता ते दुविधा-पसत्थभाविया य, अपसत्थभाविया य। तत्थ जे पसत्थभाविता ते जे संविग्गेहि भाविता / जे अप्पसत्थभाविता ते कुप्पवयणओसण्णेहि भाविता / जे पसत्थ-अप्पसत्थभाविता ते दुविधा-वम्मा अवम्मा य / तत्थ जे पसत्थभाविता वम्मा, अपसत्थ-भाविता य अवम्मा, एते अगेज्झा / जे पसत्थभाविता अवम्मा, जे अप्पसत्थभाविता वम्मा, एते दो वि गेज्झा / जे अवम्मा ते सुचिरेण वि कालेणं तं भावं ण छड्डेति / पच्छा ते णिस्साणपदं लभित्ता पावतरा भवंति / गेज्झा णाम कहिज्जति जेसिं / जे पुण अभाविता ते, चउव्विधा अधविमो गमो अण्णो। छिड्डकुड खंड बोडे, सगले य परूवणा तेसिं // 344 // "जे पुण अ०" गाधा / जे अभाविता कुडा ते छिड्डादिणो चउब्विधा भवंति / 1. 'ते' इति पाठ: गाथायां न दृश्यते / 2. पुप्फेहि, पू० 1-2, पा० / 3. वम्मास्थाने धम्मा पा० पू० 2 / 4. सक्किज्जंति, पा० / 5. अग्राह्याः पू० 2, पा० / 6. एते दोवि पू० 1 / एते पू० 2 /