________________ भाष्यगाथा-३३२-३४०] दिटुंतेहिं परिच्छिज्जति / तं जधा सेलघण कुडग चालिणि, परिपूणग हंस महिस मेसे य / मसग जलूग बिराली, जाहग गो भेरि आभीरी // 336 // "सेलघण०" गाधा / 'सेलघणे'त्ति / अस्य व्याख्याउल्लेऊण ण सक्का, गज्जति इय मुग्गसेलओ रणे। तं संवट्टगमेहो, सोउं तस्सोवरिं पडति // 337 // रवितु त्ति ठितो मेहो, उल्लो य ण व त्ति गज्जइ य सेलो। सेलसमं गाहिस्सं, णिव्विज्जति गाहगो एवं // 338 // "उल्ले०" गाधाद्वयम् / 'मुग्गसेलओ' त्ति मुग्गप्पमाणो पाहाणो / तस्स य पुक्खलसंवट्टगस्स य महामेहस्स विसंवादो / मुग्गसेलओ भणति-जति तुमं मम तिलतुसतिभागमेत्तमवि सक्केसि खंडिउं तो सि सच्चो पुक्खलसंवट्टओ त्ति / सो पडिभणति–जति तुम मम एगधाराणिवातमवि सक्केसि सहिउं तो सि मुग्गसेलओ त्ति / मुट्ठिप्पमाणाहिं धाराहिं सत्तरत्तं वासित्ता चिंतेति-सो विरातो होहिति त्ति / अर्वरिसतो जातो, जाव मुग्गसेलो मिलिमिलेंतो अच्छति / ताहे सो. मुग्गसेलो गज्जति आगारेति य-जं तं भणियं तं कहिं गतं? ति / मेहो लज्जितो जातो विलक्खीभूओ य / एरिसं सेलसमं अण्णण्णायरिएणं ण सक्किउं गाहेडं, ताधे अण्णो भणति-अहं गाधेमि त्ति / सो किलिसित्ता णिव्विज्जति, ण किंचि सक्केति गाहेउं / इमो य दोसो आयरिए सुत्तम्मि य, परिवादो सुत्त-अत्थपलिमंथो / .. अण्णेसि पि य हाणी, पुट्ठा वि ण दुद्धदा वंझा // 339 // ___"आयरिए०" गाधा / आयरिए परिवादो-अहो से सिक्खावेंतओ, जेणेरिसो ३सिक्खवितो / सुत्तपरिवादो-नूणं एरिसं चेव सुत्तं जारिसं एस पढति / सुत्त-अत्थपलिमंथो त्ति / जाव सो गाहिज्जति ताव अप्पणा न गुणेति / अण्णेसिं च सिक्खगाणं हाणी जाव सो गाहिज्जति / जहा-वंझागावी दुद्धनिमित्तं सुपोसिता वि न दुद्धदा भवति, एवं सुबहुओ वि किलेसो तम्मि कज्जमाणो निरत्थओ चेव / सेल-घणा गता / एय-पडिपक्खे सिस्से दायव्वं / केरिसो पुण सो ? उच्यते-कण्हभूमीसमाणो / जो वुढे वि दोणमेहे, ण कण्हभोमाउ लोट्टती उदयं / गधण-धरणासमत्थे, इय देयमछित्तिकारिम्मि // 340 // 1. अधरिसतो, पू० 2 / 2. अण्णेणा० पू० 2 / 3. सिक्खा० पू० 1, पा० /
