Acharang Sutram Part 04

SR No.: 004438
Original Sutra Author: N/A
Author: Jayprabhvijay, Rameshchandra L Haria
Publisher: Rajendra Yatindra Jainagam Hindi Prakashan
Total Pages: 608
Language: Sanskrit
Classification: Book_Devnagari & agam_acharang
File Size: 14 MB

Page 507

468 2-3-2 (510) श्री राजेन्द्र यतीन्द्र जैनागम हिन्दी प्रकाशन तच्चे मासे पंचमे पक्खे आसोयबहुले तस्स णं आसोयबहुलस्स तेरसीपक्खेणं हत्थुत्तराहिं नक्खत्तेणं जोगमुवागएणं बासीहिं राइदिएहिं वइक्कंतेहिं तेसीइमस्स राइंदियस्स परियाए वट्टमाणे दाहिणमाहणकुंडपुरसंनिवेसाओ उत्तर खत्तिय कुंडपुरसंनिवेसंसि नायाणं खत्तियाणं सिद्धत्थस्स खत्तियस्स कासवगुत्तस्स तिसलाए खत्तियाणीए वासिट्ठसगुत्ताए असुभाणं पुग्गलाणं अवहारं करित्ता सुभाणं पुग्गलाणं पक्खेवं करित्ता कुच्छिंसि गब्भं साहरड़, जे वि य से तिसलाए खत्तियाणीए कुच्छिंसि गब्भे तंपि य दाहिणमाहणकुंडपुरसंनिवेसंसि उसभ० कोडाल० देवा० जालंधरायणगुत्ताए कुच्छिंसि गब्भं साहरइ। समणे भगवं महावीरे तिण्णाणोवगए यावि होत्था, साहरिज्जिस्सामित्ति जाणइ, साहरिज्जमाणे न याणड, साहरिएमित्ति जाणइ समाणाउसो ! / तेणं कालेणं तेणं समएणं तिसलाए खत्तियाणीए अहऽण्णया कयाइ नवण्हं समाणं बहुपडिपुण्णाणं अद्धट्ठमाण राइंदियाणं वीइक्कंताणं जे से गिम्हाणं पढमे मासे दुच्चे पक्खे चित्तसुद्धे तस्स णं चित्तसुद्धस्स तेरसीपक्खेणं हत्थु० जोग० समणं भगवं महावीरं अरोग्गा अरोग्गं पसूया। / जण्णं राइं तिसलाख० समणं० महावीरं अरोगा अरोग पसूया, तण्णं राई भवणवड़वाणमंतरजोइसियविमाणवासि देवेहिं देवीहि य उवयंतेहिं उप्पयंतेहिं य एगे महं दिव्वे देवुज्जोए देवसण्णिवाए देवकहक्कहए उप्पिंजलगभूए यावि हुत्था। जण्णं रयणिं० तिसलाख० समणं पसूया तण्णं रयणिं बहवे देवा य देवीओ य एगं महं अमयवासं च 1. गंधवासं च 2. चुण्णवासं च 3. पुप्पवासं च 4. हिरण्णवासं च 5. रयणवासं च 6. वासिंसु, जण्णं रयणं तिसलाख० समणं पसूया तण्णं रयणिं भवणवइवाणमंतरजोइसियविमाणवासिणो देवा य देवीओ य समणस्स भगवओ महावीरस्स सूइकम्माई तित्थयराभिसेयं च करिंसु / जओ णं पभिड भगवं महावीरे तिसलाए ख० कुच्छिंसि गब्भं आगए तओ णं पभिड तं कुलं विपुलेणं हिरण्णेणं सुवण्णेणं धणेणं धण्णेणं माणिक्केणं मुत्तिएणं संखसिलप्पवालेणं आईव अईव परिवड्ढड। तओ णं समणस्स भगवओ महावीरस्स अम्मापियरो एयमढे जाणित्ता निव्वत्तदसाहंसि वुक्कंतंसि सुडभूयंसि विपुलं असण-पाण-खाइम-साइमं उवक्खडाविंति, उवक्खडावित्ता मित्तणाइसयणसंबंधिवग्गं उवणिमंतिंति, मित्त० उवणिमंतित्ता बहवे समणमाहणकिवणवणीमगाहिं भिच्छुडगपंडरगाईण विच्छड्डंति विग्गोविंति विस्साणिति