Page Text
________________ व्यतीते च काले कियति परमधर्ममर्मशः श्रीकुकुन्दाचार्य उपकेशपुरात खटकुपनगरमात्मना भूषया. मास / कृतमस्य च भव्य स्वागतमनेन राजसीश्रावकेण, नवलक्षपरिमितामिर्मुद्राभिश्च महान् व्ययः कृतः / ततः सुरेराज्ञामधिगम्य भगवतः श्रीतीर्थकरस्य भन्यो जिनालय प्रारब्धः / अपरश्च सम्मेतिशिखरयात्रायै कुकुन्दाचार्यस्याध्यक्षत्वे महान्तं संघ निष्कासमास / समाप्य च तीर्थयात्रा प्रतिनिवृत्तः पथि च बहूविधान् जीर्णोद्धारान् दोनेभ्यश्चान्नवस्त्रादीनि दत्वा गृहञ्चागत्य पुरुषेभ्यः स्वर्णमालाः स्त्रीभ्यश्च सुवर्णकंकणानि पारितोषिरूपेण दत्वा विसर्जयामास / ____ अथ जिनालयमूर्तिप्रतिष्ठापनकायें कुकुन्दाचार्य स व्यज्ञापयत् / तेन च सूरिणा अस्मद्गच्छाधिपतिः श्रीकक्कसूरिरेव तन्मङ्गल कार्य निर्वोढुं सर्वथा समुचितः महामहनीयकीर्तिः स एवात्राभ्यर्थितोवरमिति स निजगदे / पदीयं वचनमनुमान्यावन्नीदेशस्थामुज्जयिनीमलं कुर्वाणं तमाह्वातु दूतान् प्राहिणोत् / ते च तत्संदिष्टं सविनयमब्रुवन् / स च सूरीश्वरः प्रार्थनामनुमान्य खटकुम्पमभिप्रतत्थे / नागपुरोपसमीपं विहरन्नवगतसूरीश्वरागमनः सः कुकुन्दाचार्योऽपि खटकुम्पमागच्छत् / तस्यापि पूर्ववत्पुरप्रवेशः सम्पादितः / सभामण्डपे नभोमागे स्थिती शशिदिवाकराविव सकलसमुपासकजनानां मनासि रञ्जयामासतुर्दर्शनानन्देन / सम्भाव्य च धर्मलामादिना पाययित्वा चोपदेशामृतं सर्वान् चादिदेश सूरिः श्रीकक्कसूरिहगमनाय / प्रथापरे राजसीश्रावकः सप्रश्रयमाचार्यसमीपमुपेत्य षण्णवत्यंगुल (96) परिमिता महावीरप्रतिमा निर्मापयितुमिच्छा प्रकटीचकार / सूरिणा चोक्तम्-विपरीते ह्यस्मिन् समये लुब्धवृत्तयो जनाः सुवर्णमयी मूर्तिमपि हतबुद्धयो विक्रेतुमभित्ल षेयुर्धनस्य च बहून्यपराणि विनियोगस्थानानीति पाषाणमय्येवाऽनल्पकल्याणप्राप्तये त्वया विधेया सा / भवदीयमेव वचोऽत्र प्रमाणमिति समाहत्य स विंशत्यधिकशताङ्ग ल (120) परिमितामश्ममयी प्रतिमा निर्मातुं शिल्पिन आदिशत् / एवं व्यतीते कियति समये श्रुत्वा च निःसारतामात्रैकफलं संसारसंसरणस्य स धवलो व्याख्यानत एव जातवैराग्यो जननी जनकं च कथं कथमपि सम्बोध्य चतुर्दशसंख्यकैर्भावुकैः सह शुभ मुहूऽप्रहीदाहती भगवती दीक्षाम् / परिवर्ति चास्य राजहंसमुनिरित्यभिधानम् / ...ततः समभीष्टदीक्षालाभसन्तुष्टान्तरंगो राजहंसो मुनिः क्रमेण सूरेः समीपे क्षणोऽपि दुर्लभ इति मन्वानोऽल्पेनानेहसा काव्यनाटकादीनि पथः प्रदर्शकानि व्याकरणकोशादीनि चाधीत्य जिनागममर्मवेदनदक्षः शाखाटवीसंचरणपञ्चाननो रमणीयाननोऽखिलविद्वज्जनचूडामणिर्बभूव / मध्ये च प्रतिष्ठाविलम्बवशादुपकेशपुरं गत्वा भगवतो महावीरस्य श्रीरत्नप्रभसूरीश्वरस्य च पुण्यं लोकैकमंगलं व्यधादर्शनम् / __सम्पूर्णे च महति जिनालये रचितायाञ्च प्रतिमायां सबहुमानमसी राजसीश्रावको नागपुरं प्रति समापितविहारकार्य कुकुन्दाचार्यमाचार्यवर्यञ्च श्रीकक्कसूरिमामन्त्रयामास / प्रारब्धे च महोत्सवे पुण्ये दिने श्री. कक्कसूगिरजनशलाको प्रतिष्ठाविधिश्च महता शास्त्रीयेण विधानेनाचीकरत् / प्रभूतश्च द्रव्यमत्र तेन श्रेष्ठिना धर्मकर्मणि व्यर्य कृत्य शाश्वतं समासादितं पुण्यम् / व्यापारव्यवहारकुशलो वणिक् किं न प्राप्नुयादशाश्वतेनापि चित्रावलीप्रसादलब्धधनेन शाश्वतं निःश्रेयसम् ! / श्रीकुकुन्दाचार्यः सूरेग्नुज्ञां प्राप्य नागपुरं सशिष्यो ययो / आचार्यश्च तत्रैव चातुर्मासिकी स्थितिं चकार / वाचयामास श्रीस्थानायांगसूत्रम् / तीर्थयात्राप्रसंगवर्णनेनोद्भूततीर्थयात्राभिलाषः स समाप्ते चतुर्मासवते सुरेरण्यक्षत्वे श्रात्मनश्च संघपतित्वे शत्रुजययात्रायै महासंघायोजनमकार्षीत् / बहवोऽत्र संघे भावुकाः समागताः शनैः शनैर्गत्वा तत्र विधाय पूजाप्रभावनादिकं कृतार्थतामासादयितुं चात्मनः समप्यं च संघपतिमाला पुत्राय खेतसी। श्रावकाय शुभे च दिवसे पुण्यक्षेत्रेऽगृह्णात् सपत्नीकोऽष्टाविंशतिपरिमितैर्भावुकैः भगवती दीक्षां सूरीश्वर
| SR No. | 004433 |
| Book Title | Parshwanath Paramparaya Itihas |
| Original Sutra Author | N/A |
| Author | Devguptasuri, Gorinath Shukla |
| Publisher | Ratnaprabhakar Gyan Pushpmala |
| Publication Year | 1945 |
| Total Pages | 150 |
| Language | Sanskrit |
| Classification | Book_Devnagari |
| File Size | 20 MB |