________________ સ્થવિરાવલી # असोअणिवपुत्तो पुण्णरहो वि वीराओ तेयालीसाहिय-दोसयवासेसु विइकंतेसु सुगयधम्माराहगो रजम्मि ठिओ / से वि य णं वीराओ दोसयअसीइवासेसु विइकंतेसु नियपुत्तं वुड्डरहं रजे ठावइत्ता परलोअं पत्तो / तं वि सुगयधम्माणुगं वुड्डरहं णिवं मारित्ता तस्स सेणाहिवइ-पुष्फमित्तो वीराओ णं तिसयाहियचउवासेसु विइकंतेसु पाडलिपुत्तरजे ठिओ / अह वेसालीणयराहियो चेडओ णिवो सिरिमहावीरतित्थयरस्सुचिट्ठो समणोबासओ आसी / से णं णियभाइणिजेणं चंपाहिवेणं कूणिगेणं संगामे अहिणिक्खित्तो अणसणं किना सग्गं पत्तो / तस्सेगो सोहणरायणामधिजो पुत्तो तओ उच्चलिओ णियससुररस कलिंगाहिवस्स सुलोयणणामधिजस्स सरणं गओ / सुलोयणो वि णिपुत्तो तं सोहणरायं कलिंगरजे ठावइत्ता परलोआतिही जाओ / तेणं कालेणं तेणं समएणं वीराओ अट्ठारसवासेसु विइक्कतेसु से सोहणराओ कलिंगविसए कणगपुरम्मि रजे अभिसित्तो / से वि य णं जिणधम्मरओ तत्थ तित्थभूए कुमरगिरिम्मि कयजत्तो उक्लिट्ठो समणोवासगो होत्था / तस्स वंसे पंचमो चंडरायणामधिजो णिवो वीराओ णं इगसयाहिय-अउणपन्नासेसु वासेसु विइकंतेसु कलिंगरजे ठिओ / तया णं पाडलिपुत्ताहिवो अट्ठमो णंदणिवो मिच्छत्तंधो अईवलोहाकंतो कलिंगदेसं पाडिऊण पुव्विं तित्थरूवकुमरगिरिम्मि सेणियणिवकारियजिणपासायं भंजित्ता सोवण्णिय-उसभजिणपडिमं चित्तूण पाडलिपुत्तं पत्तो / तयणंतरं तत्थ कलिंगे जणवए तस्स णं सोहणरायस्स वंसे अट्ठमो खेमरायणामधिजो णिवो वीराओ णं सत्तवीसाहियदोसयवासेसु विइकंतेसु मगहाहिवो कलिंगरजे ठिओ / तयणंतरं वीराओ दोसयाहियअउणचत्तारिवासेसु विइक्कंतेसु मगहाहिवो असोअणिवो कलिंगं जणवयमाकम्म खेमरायं णिवं णियाणं मन्नावेइ, तत्थ णं से णियगुत्तसंवच्छरं पवत्तावेइ / तओ णं वीराओ दोसयपणहत्तरिवासेसु विइक्कंतेसु खेमरायपुत्तो वुड्डरायो जिणधम्माराहगो अईवसद्धालुओ कलिंगविसयाहिवो संजाओ / तेण वि तत्थ कुमर-कुमारीगिरिजुअलोवरि समणाणं णिग्गंठाणं णिग्गंठीणं य वासावासढें इक्कारस लेणा उक्किणाइया / तयणंतरं वीराओ णं तिसयवासेसु विइकंतेसु वुडरायपुत्तो भिक्खुरायो कलिंगाहिवो संजाओ / तस्स णं भिक्खुरायणिवस्स तिण्णि णामधिजे एवमाहिजंति-एगं णं णिग्गंठाणं भिक्खूणं भत्तिं कुणमाणो
